MARKOS 11:22 - Khasi CL Bible (BSI)

²² U Jisu u la jubab ïa ki, “To don ka jingngeit ha U Blei.

KA BAIBL

²² U Jisu u da ïathuh u ong te ha ki, “To ïoh ma phi ka jingngeit ha U Blei.

MARKOS 11:22 ပူးပေါင်းရင်းမြစ်များ

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

SALM 62:8

Shaniah ha U Blei ha ki por baroh, ko ki briew jong nga; ïathuh ha u ïa ki jingjynjar jong phi baroh, naba u long ka jakarieh jong ngi.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

MATHAÏOS 14:29

“To wan!” la jubab U Jisu. Kumta u Petros u la hiar na ka lieng bad u la sdang ban ïaid halor ka um sha U Jisu.

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 21:21

U Jisu u la jubab, “Nga pynthikna ïa phi ba lada phi ngeit bad phim sngew artatien, phin lah ban leh ïa kaei kaba nga la leh ïa une u dieng Dumbur. Bad ym tang kane, hynrei phin lah wat ban ong ha une u lum, ‘Khie joit bad pynnoh ïa lade sha duriaw,’ bad un leh kumta.

MARKOS 9:23

“Ho-oid,” U Jisu u la ong, “lada ma me hi me lah. Kiei kiei baroh ki long kiba lah ïa u briew uba don ka jingngeit.”

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,