MARKOS 11:14 - Khasi CL Bible (BSI)

¹⁴ U Jisu u la ong ha uta u dieng Dumbur, “Yn ym don shuh lano lano u ban bam soh na me!” Bad ki synran ki la ïohsngew ïa u.

KA BAIBL

¹⁴ Te U Jisu u la ïathuh bad U la ong ha u, “Ym don u ban bam soh shuh na me lano lano ruh!” Ki synran jong U ki la ïohsngew.

MARKOS 11:14 ပူးပေါင်းရင်းမြစ်များ

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

MATHAÏOS 21:44

Uno uno uba hap halor une u maw un shah ot lyngkhot; bad lada u maw u hap halor uno uno, un pynlwet jin ïa uta.

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 7:19

Bad ïa uno uno u dieng u bym pynmih u soh uba bha la ju khet noh bad bret hapoh ka ding.

MARKOS 11:13

U la ïohi na jngai ïa u dieng Dumbur ba la tap da ki sla, kumta u la leit ban peit la u lah ban shem ki soh ha u. Hynrei haba u la wan sha uta u dieng, u la shem tang ki sla, namar kam pat dei ka por ban mih soh.

MARKOS 11:15

Haba ki la poi ha Jerusalem, U Jisu u la rung shapoh ka Templ bad u la sdang ban beh noh shabar ïa baroh kito kiba dang ïathied bad ïadie. U la pynkylla khongpong ïa ki miej jong ki nongïapeiñ pisa bad ïa ki jaka shong jong kito kiba ïadie paro,

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

2 PETROS 2:20

Lada ki briew ki la lait im na ki bor ba pynpyut jong ka pyrthei da ka jingtip jong ki ïa U Jisu Khrist uba U Trai bad U Nongpynim jong ngi, bad nangta ki ngat biang bad shahjop ha ki, kum kita ki briew ki don ha ka jinglong kaba kham sniew ha kaba kut ban ïa kaba ki la long ha kaba nyngkong.

JINGPYNPAW 22:11

Uno uno uba sniew u dei ban ïai leh sniew, bad uno uno uba jaboh u dei ban ïai jaboh; uno uno uba bha u dei ban ïai lehbha, bad uno uno uba khuid u dei ban ïailong khuid.”