MARKOS 11:1 - Khasi CL Bible (BSI)

¹ Haba ki la jan poi ha Jerusalem, hajan ki shnong Bethphage bad Bethania, ki la wan sha u lum ki Olib. U Jisu u la nang phah ar ngut na ki synran ha shuwa jong u bad kine ki jingbthah:

KA BAIBL

¹ Te ynda ki la poi hajan Jerusalem, sha Bethphage bad Bethania, haduh u lum ki Olib, u phah ar ngut na ki synran jong u,

MARKOS 11:1 ပူးပေါင်းရင်းမြစ်များ

2 SAMUEL 15:30

Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

MATHAÏOS 21:17

U Jisu u la iehnoh ïa ki bad u la mihnoh na ka nongbah sha Bethania, ha kaba u la pynlut ïa ka miet.

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MATHAÏOS 26:30

Nangta ki la ïarwai jingrwai bad ki la leit noh sha u lum ki Olib.

MARKOS 11:2

“Leit sha ka nongrit hangta ha shuwa jong phi. Phi tang shu poi hangta, phin shem ïa u khun kada ba la teh ïa u, u bym pat ju don uba shong halor jong u. Law ïa u bad wallam ïa u hangne.

MARKOS 13:3

U Jisu u dang shong halor u lum ki Olib, pyrshah ïa ka Templ, mynba u Petros, u Jakob, u Ïoannis bad u Andriw ki la wan jar jar ha u.

MARKOS 14:13

Te U Jisu u la phah ar ngut na ki ryngkat bad kine ki jingbthah: “Khie leit sha ka nongbah, bad uwei u briew uba kit ïa u khiew um, un ïakynduh ïa phi.

MARKOS 6:7

U la khot lang ïa ki khat-ar ngut ki synran bad u la phah ïa ki ar ngut ar ngut. U la ai ïa ki ka bor halor ki mynsiem bymkhuid

ÏOANNIS 8:1

Nangta uwei pa uwei u la leit phai sha ïing, hynrei U Jisu u la leit sha u lum ki Olib.

KI KAM 1:12

Nangta ki apostol ki la leit phai pat sha Jerusalem na u lum ki Olib, uba jngai kumba shi kilomitar na ka nongbah.