MARKOS 10:52 - Khasi CL Bible (BSI)

⁵² “Khie leit,” U Jisu u ong ïa u, “ka jingngeit jong me ka la pynkhiah ïa me.” Mar kumta hi u la lah ban ïohi bad u la bud ïa U Jisu ha ka lynti.

KA BAIBL

⁵² U Jisu u la ong te ha u, “To khie leit noh, kata ka jingngeit jong me ka la pynkhiah ïa me;” te kumne kumne ruh, u la ïoh imat, bad u la bud ïa U ha kata ka lynti.

MARKOS 10:52 ပူးပေါင်းရင်းမြစ်များ

SALM 146:8

bad u pynpeit pat ïa kiba matlah. U khyllie ïa kito kiba la kyllon noh; u ieit ïa ki briew kiba hok jong u.

SALM 33:9

Haba u la kren, ïa ka pyrthei la pynlong; ha ka hukum jong u baroh ka la paw.

ISAÏAH 35:5

Kiba matlah kin lah ban ïohi, bad kiba kyllut kin ïohsngew.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 12:22

Nangta katto katne ngut ki briew ki la wallam sha U Jisu ïa u briew uba la matlah bad u bymnang kren namar u la shongksuid. U Jisu u la pynkhiah ïa u briew, ba kumta u la lah ban kren bad ïohi.

MATHAÏOS 15:28

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

MATHAÏOS 21:14

Kiba matlah bad kiba dkoh ki la wan sha u ha ka Templ, bad u la pynkhiah ïa ki.

MATHAÏOS 8:3

U Jisu u la kner ïa la ka kti bad u la ktah ïa u. “Nga mon,” u la jubab. “To men long khuid!” Shisyndon la pynkhiah ïa u briew na ka jingpang jong u.

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MARKOS 1:31

U la leit sha ka, u la shim ïa ka na ka kti, bad u la khyllie ïa ka. Ka jingshit ka la iehnoh ïa ka, bad ka la sdang ban shakri ïa ki.

MARKOS 5:34

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

MARKOS 8:25

U Jisu u la buh biang ïa la ki kti ha ki khmat jong uta u briew. Ha kane ka por uta u briew u la peit shaiñ, ka jingïohi jong u ka la wan phai pat, bad u la ïohi shai ïa kiei kiei baroh.

LOUKAS 7:50

Hynrei U Jisu u la ong ha kata ka briew, “Ka jingngeit jong pha ka la pynim ïa pha; khie leit ha kaba suk.”

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

ÏOANNIS 9:32

Naduh myn dang long ka pyrthei ym pat don mano mano ba la ïohsngew ba uno uno u ai jingïoh imat pat ïa u briew uba la kha matlah.

ÏOANNIS 9:39

U Jisu u la ong, “Nga la wan sha kane ka pyrthei ban bishar, khnang ba kiba matlah kin ïohi bad kito kiba ïohi kin long matlah.”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’