MARKOS 10:38 - Khasi CL Bible (BSI)

³⁸ U Jisu u la ong ïa ki, “Phim tip ïa kaei kaba phi pan. Hato phi lah ban dih na ka khuri jong ka jingshahshitom kaba nga dei ban dih? Hato phi lah ban shah pynbaptis ha ka rukom ba ka dei ïa nga ban shah pynbaptis?”

KA BAIBL

³⁸ Hynrei, U Jisu u la ong ha ki, “Phim tip kaei ba phi pan. Phi lah ban dih na kata ka khuri na kaba ngan sa dih, bad ba yn pynbaptis ïa phi ruh da kata ka jingbaptis da kaba yn sa pynbaptis ïa nga?”

MARKOS 10:38 ပူးပေါင်းရင်းမြစ်များ

1 SYIEM 2:22

“Balei ba phi pan na nga ban ai ïa ka Abishag ha u?” u syiem u kylli. “Phi lah ban sa pan ruh na nga ban ai ha u ïa ka khet ruh. Nalor kata, u dei u hynmen ba kham heh jong nga, bad ba u Abiathar u lyngdoh bad u Joab ki don ha ka liang jong u!”

SALM 75:8

U Trai u bat ïa ka khuri ha ka kti jong u, la pyndap ïa ka da ka waiñ kaba khor jong ka jingbitar jong u. U theh noh ïa ka, bad baroh ki bymman ki dih ïa ka; ki dih ïa ka ha ban da lut.

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

JEREMAÏAH 25:15

U Trai, U Blei ki Israel, u la ong ha nga, “Kane ka long ka khuri waiñ kaba la pyndap da ka jingbitar jong nga. Rah ïa ka sha ki jaitbynriew baroh sha kiba ngan phah ïa me, bad ai ïa ki ban dih na ka.

JEREMAÏAH 45:5

Hato me khmih lynti ïa ka jingleh bakyrpang na ka bynta ïa lade? Wat leh ïa kata. Nga wallam ïa ka jingjot ha u khunbynriew baroh, hynrei men pyllait ïa ka jingim kat shaba me leit. Ma nga, U Trai, nga la kren.”

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 3:6

Ki la phla ïa la ki pop, bad u la pynbaptis ïa ki ha ka wah Jordan.

MARKOS 14:36

“Ko Pa,” u duwai, “Ko Pa jong nga! Baroh kiei kiei ki long kiba lah ha me. Shim noh na nga ïa kane ka khuri jong ka jingshahshitom. Pynban ym ïa kaei kaba nga kwah, hynrei ïa kaei kaba me kwah.”

LOUKAS 12:50

Nga don ka jingpynbaptis ban ïohpdiang, bad katno nga sngewkhia mynsiem tad haduh ba kan da kut noh!

LOUKAS 22:42

“Ko Pa,” u la ong, “lada me mon, shim noh na nga ïa kane ka khuri ka jingshah shitom. Ym ïa ka mon jong nga, pynban, ïa ka mon jong me yn pyndep.”

ÏOANNIS 18:11

U Jisu u la ong ha u Petros, “To bsuh noh ïa ka waitlam ha ka jingsop jong ka! Me tharai ba ngan ym dih ïa ka khuri ka jingshah shitom ïa kaba U Kpa jong nga u la ai ha nga?”

Ka Shithi U Paul Sha Ki Nong Rom 8:26

Ha kajuh ka rukom ruh U Mynsiem u wan ban ïarap ïa ngi, ha ka jingtlot kaba ngi don. Naba ngim tip kumno ngi dei ban duwai; U Mynsiem hi da lade u ïasaid bad U Blei na ka bynta jong ngi ha ki jingud kiba ki ktien kim lah ban pynpaw.

JAKOB 4:3

Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.