MARKOS 10:30 - Khasi CL Bible (BSI)

³⁰ Un ïohpdiang shispah shah shuh shuh ki ïing, ki hynmen ki para shynrang ne kynthei, ki kmie, ki khun bad ki lyngkha — bad ki jingshah pynshitom beiñ ruh kumjuh; bad ha ka pateng ka ban sa wan un ïoh ka jingim bymjukut.

KA BAIBL

³⁰ hynrei, un ïoh diang keiñ shispah shah ïa katta mynta ha kane ka por, ïa ki ïing, bad ïa ki hynmen hynbew shynrang bad kynthei, bad ïa ki kmie, bad ïa ki khun, bad ïa ki bri de, lem bad ki jinglehbeiñ; bad ha ka pyrthei ka ban sa wan, ka jingim bymjukut.

MARKOS 10:30 ပူးပေါင်းရင်းမြစ်များ

2 KHRONIKL 25:9

U Amasaïah u kylli ïa u nongïathuhlypa, “Hynrei kumno pat shaphang ka rupa baroh kaba nga la dep siew ïa ki?” U nongïathuhlypa u jubab, “U Trai u lah ban ai pat sha me kham bun ban ïa kata!”

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

PROBERB 16:16

Ka kham bha — nang kham bha — ban don ka jingstad bad ka jingtip ban ïa ka ksiar bad ka rupa.

MALAKHI 3:10

Wallam ïa ka jingmih baroh jong kawei-na-kaba-shiphew sha ka Templ, khnang ba yn don ka bam kyrhai hangta. To tynjuh ïa nga bad phin sa ïohi ba ngan plie ïa ki jingkhangïit jong ka bneng bad theh noh ha phi kyrhai ïa kiei kiei kiba bha baroh.

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 13:8

Hynrei khyndiat ki symbai u la hap ha ka khyndew kaba bha, bad ki jingthung ki la pynmih symboh; katto katne ki la pynmih shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

LOUKAS 18:30

kin ïohpdiang kham bun shah ha kane ka pateng bad ïa ka jingim bymjukut ha ka pateng ka ban wan.”

ÏOANNIS 10:23

U Jisu u dang ïaid ha ka baranda u Solomon kaba ha ka Templ, haba ki briew ki la ïalum sawdong ïa u bad kylli, “Sa katno men dang ïai pynap ïa ngi ha ka jinglyngngoh? Ïathuh ha ngi ïa ka jingshisha kaba shai kdar: Hato me long U Messaïah?”

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 16:25

Kumba shiteng synñia, u Paul bad u Silas ki dang duwai bad rwai ki jingrwai ïaroh ïa U Blei bad kiwei pat ki koidi ki dang shahshkor ïa ki.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

Ka Shithi U Paul Sha Ki Nong Rom 5:3

Ngi sngewsarong ruh ïa ki jingshah shitom jong ngi, namar ngi tip ba ka jingshah shitom ka pynmih ïa ka jingïaishah,

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

1 TIMOTHI 6:6

Shisha, ka niam kam pynriewspah palat ïa u briew, lada u sngewhun bad kaei kaba u don.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 5:11

Ngi khot ïa ki kiba suk namar ki la long kiba ïaishah. Phi la ïohsngew ïa ka jingïaishah u Job, bad phi tip kumno U Trai u la pyndap ïa u ha kaba kut. Naba U Trai u long uba dap da ka jinglehisynei bad jinglehsbun.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

1 ÏOANNIS 3:1

Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.