MARKOS 10:22 - Khasi CL Bible (BSI)

²² Haba uta u briew u la ïohsngew ïa kane, ka jingidiaw ka la tap ïa ka khmat jong u baroh kawei, bad u la leit noh da ka jingsngewsih, namar u la long uba riewspah haduh katta katta.

KA BAIBL

²² Te u la buhkhoh namar kata ka ktien, bad u la leit noh sngewsih, naba u la don shibun ki spah.

MARKOS 10:22 ပူးပေါင်းရင်းမြစ်များ

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MATHAÏOS 13:22

Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

MATHAÏOS 19:22

Haba u samla u la ïohsngew ïa kane, u la leit noh da kaba sngewsih, namar u la long uba riewspah bha.

MATHAÏOS 27:3

Haba u Judas, u nongshetkylla, u la tip ba ïa U Jisu la dep pynrem, u la kylla-kaba-mut bad u la leit rah biang ïa ki laiphew tylli ki sbai rupa sha ki rangbah lyngdoh bad sha ki tymmen ki san.

MARKOS 10:21

U Jisu u la khmih shaiñ ha u da ka jingieit bad u la ong, “Me donkam tang kawei kaei kaei. Khie leit bad die ïa baroh kaba me don bad ai ïa ka pisa ha kiba duk, bad men ïoh ïa ka spah ha bneng; nangta sa wan bad bud ïa nga.”

MARKOS 10:23

U Jisu u la peit sawdong ha ki synran jong u bad u la ong ïa ki, “A katno ka long kaba eh ïa kiba riewspah ban rung sha ka Hima U Blei!”

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.

MARKOS 6:26

Kane ka pynlong ïa u syiem ban sngewsih haduh katta katta, hynrei um lah ban kyrngah ïa ka namar ki jingsmai ba u la pynlong ha khmat jong baroh kiba u la khot sngewbha.

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 18:23

Hynrei haba uta u briew u la ïohsngew ïa kane, u la sngewsih eh, namar u la long uba riewspah shibun.

2 KORINTH 7:10

Naba ka jingsngewsih ïa kaba la pyndonkam da U Blei ka wanrah ïa ka jingkylla ha ka dohnud kaba ïalam sha ka jingpynim — bad kam don ka jingbabe ha kata! Hynrei ka jingsngewsih ba kynja briew ka ïalam sha ka jingïap.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

2 TIMOTHI 4:10

U Demas u la kham noh ha ki kam pyrthei bad u la iehnoh ïa nga, bad u la leit noh sha Thessaloni. U Kreskens u la leit sha Galatia; u Titos sha Dalmatia.