MARKOS 10:21 - Khasi CL Bible (BSI)

²¹ U Jisu u la khmih shaiñ ha u da ka jingieit bad u la ong, “Me donkam tang kawei kaei kaei. Khie leit bad die ïa baroh kaba me don bad ai ïa ka pisa ha kiba duk, bad men ïoh ïa ka spah ha bneng; nangta sa wan bad bud ïa nga.”

KA BAIBL

²¹ U Jisu te haba U la khmih ha u, U la sngewieit ïa u, bad U la ong ha u, “Kawei ka dang duna ïa me: to khie leit, die noh katba me don, ai ruh ha ki baduk, te men ïoh ka jingkynshew ha bneng: te ale, da rah ïa ka diengphna, to bud ruh ïa nga.”

MARKOS 10:21 ပူးပေါင်းရင်းမြစ်များ

JENESIS 34:19

bad uta u samla ruh um shym la pynslem ban leh ïa kata kaba la ai jingmut, namar ba u la ibha eh ïa ka khun jong u Jakob. U long ruh uba donburom tam na ki ba-ha-ïing ha-sem jong u baroh.

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 19:21

U Jisu u la ong ha u, “Lada me kwah ban long uba janai, to khie leit bad die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta to wan bad bud ïa nga.”

MARKOS 10:22

Haba uta u briew u la ïohsngew ïa kane, ka jingidiaw ka la tap ïa ka khmat jong u baroh kawei, bad u la leit noh da ka jingsngewsih, namar u la long uba riewspah haduh katta katta.

MARKOS 8:34

Nangta U Jisu u khot ïa u paidbah bad ïa la ki synran sha u. “Lada uno uno u kwah ban wan bad nga,” u la ong ïa ki, “u dei ban klet noh ïa lade, bah ïa la ka diengphna, bad bud ïa nga.

LOUKAS 10:42

hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 16:9

Bad U Jisu u ïai bteng ban ong, “Bad kumta nga ong ha phi: Pynlong paralok na ka bynta ïa lade da ka spah ba kynja pyrthei, khnang ba haba kam don shuh, yn pdiang sngewbha ïa phi sha ka ïing bymjukut.

LOUKAS 18:22

Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 19:41

U la poi kham jan sha ka nongbah, bad haba u la ïohi ïa ka, u la ïam na ka bynta jong ka, u da ong,

LOUKAS 9:23

Bad u la ong ha ki baroh, “Lada uno uno u kwah ban wan bad nga, u dei ban klet ïa lade, un bah ïa la ka diengphna man ka sngi, bad bud ïa nga.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KI KAM 2:45

Ki die noh ïa ka jaka ka puta bad ka jingdon jingem jong ki, bad sam ïa ka pisa hapdeng jong ki baroh, kat kum kaei kaba uwei uwei u donkam.

2 KORINTH 12:15

Ngan sngewkmen ban pynlut baroh kaba nga don, bad ïa lade ruh, khnang ban ïoh ïarap ïa phi. Hato phin ieit duna ïa nga namar ba nga ieit palat ïa phi?

2 TIMOTHI 3:12

Baroh kiba kwah ban im ïa ka jingim bariewblei ha U Khrist Jisu kin shah pynshitom;

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

JAKOB 2:10

Uno uno uba pynkheiñ ïa kawei ka hukum u long uba shah pynrem ha kaba pynkheiñ ïa ki baroh.

JINGPYNPAW 2:14

Hynrei don katto katne kiei kiei kiba nga don pyrshah ïa pha: Don katto katne ngut hapdeng jong pha kiba bud ïa ka jinghikai u Balaam, uba la hikai ïa u Balak kumno ban ïalam ïa ki paid Israel sha ka pop da kaba pynngeit ïa ki ban bam ïa ka jingbam kaba la lah ai ha ki bleithaw bad ban leh ki kam awria.

JINGPYNPAW 2:20

Hynrei kane ka long kaei kaba nga don pyrshah ïa pha: Pha ïaishah ïa kato ka briew, ka Jesebel, kaba khot ïa lade ka nonglamktien jong U Blei. Da ka jinghikai jong ka, ka ïalam bakla ïa ki shakri jong nga sha kaba leh ïa ka kam awria bad ban bam ïa ka jingbam ba la ai ha ki bleithaw.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.