MARKOS 10:2 - Khasi CL Bible (BSI)

² Katto katne ngut ki Pharisi ki la wan ha u bad ki la pyrshang ban riam ïa u. “Ïathuh ïa ngi,” ki la kylli, “hato ka Hukum jong ngi ka shah ne em ïa u briew ban pyllait ïa ka tnga jong u?”

KA BAIBL

² Te don na ki Pharisi kiba la wan ha u, bad ki la kylli ïa u, “Ka bit ne em ïa u briew ban pyllait noh ïa la ka tnga?” ba ki ïatynjuh ïa u.

MARKOS 10:2 ပူးပေါင်းရင်းမြစ်များ

MALAKHI 2:16

“Nga isih ïa ka jingpyllait tnga,” ong U Trai U Blei ki Israel. “Nga isih ïa ka haba uwei na phi u leh ïa kaba kum kata ka kam runar ïa la ka tnga. To pynthikna ba phin ym pynkheiñ ïa la ka jingkular ban long uba ïaineh bad la ka tnga.”

MATHAÏOS 15:12

Nangta ki synran ki la wan sha u bad ki la ong, “Hato me tip ba la pynmong ïa ki jingsngew jong ki Pharisi da kaei kaba me la ong?”

MATHAÏOS 16:1

Katto katne ngut ki Pharisi bad ki Saddusi kiba la wan sha U Jisu ki la kwah ban riam ïa u, kumta ki la kyrpad ïa u ban leh ïa ka kambah na ka bynta jong ki, ban pyn-i ba U Blei u la pdiang ïa u.

MATHAÏOS 19:3

Katto katne ngut ki Pharisi ki la wan sha u bad ki la pyrshang ban riam ïa u da kaba kylli, “Hato ka Aiñ jong ngi ka shah ïa u briew ban pyllait noh ïa ka tnga jong u na ka bynta kano kano ka daw kaba u mon?”

MATHAÏOS 22:35

bad uwei na ki, u nonghikai ka Hukum, u la pyrshang ban riam ïa u da ka jingkylli.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 9:34

Hynrei ki Pharisi ki la ong, “U dei u rangbah jong ki ksuid uba ai ha u ka bor ban beh noh ïa ki ksuid.”

MARKOS 10:1

Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

MARKOS 10:3

U Jisu u la jubab da ka jingkylli, “Kaei kaba ka hukum u Moses ka ai ha phi?”

MARKOS 8:11

Katto katne ngut ki Pharisi ki la wan ha U Jisu bad ki la sdang ban ïania bad u. Ki la kwah ban riam ïa u, kumta ki la ong ïa u ban leh kambah ban pynshisha ba U Blei u la mynjur ïa u.

MARKOS 8:15

“Sumar bha,” U Jisu u la maham ïa ki, “bad sumar ïa lade na u thiat jong ki Pharisi bad u thiat jong u Herod.”

LOUKAS 11:39

Kumta U Trai u la ong ha u, “Mynta te, phi ki Pharisi phi pynkhuid ïa kaba shabar jong ka khuri bad ka pliang jong phi, hynrei hapoh, phi dap da ka jingleh jubor bad ka jingsniew.

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

LOUKAS 5:30

Katto katne ngut ki Pharisi bad katto katne ngut ki nonghikai ka Hukum kiba dei ki jong ka kynhun jong ki, ki la khñium ha ki synran jong U Jisu. “Balei ba phi ïabam bad ïadih bad ki nonglum khajna bad kiwei pat kiba la shah kyntait?” Ki la kylli.

LOUKAS 6:7

Katto katne ngut ki nonghikai ka Hukum bad katto katne ngut ki Pharisi ki la kwah daw ban mudui ïa U Jisu ba u leh bakla, kumta ki la ïakhmih bniah ïa u ban ïohi lada un pynkhiah ha ka sngi Sabbaton.

LOUKAS 7:30

Hynrei ki Pharisi bad ki nonghikai ka Hukum ki la kyntait ïa ka jingthmu jong U Blei na ka bynta jong ki hi bad ki la kyntait ban shah pynbaptis ha u Ïoannis.

ÏOANNIS 11:47

Kumta ki Pharisi bad ki rangbah lyngdoh ki la lum ïa ka dorbar bad ki la ong, “Ngin ïaleh kumno? Peit ïa ki kambah baroh kiba une u briew u la leh!

ÏOANNIS 11:57

Ki rangbah lyngdoh bad ki Pharisi ki la ai ïa ka hukum ba lada uno uno u tip hangno ba U Jisu u don, u dei ban wanrah khubor, khnang ba kin ïohkem ïa u.

ÏOANNIS 7:32

Ki Pharisi ki la ïohsngew ba u paidbah u ïa-pasiaw ïa kine kiei kiei shaphang U Jisu, kumta ma ki bad ki rangbah lyngdoh ki la phah katto katne ngut ki nongap phira ban kem ïa u.

ÏOANNIS 7:48

“Hato phi la ju tip ba don uno uno na ki nongsynshar jong ki Jiw ne uwei u Pharisi kiba ngeit ha u?

ÏOANNIS 8:6

Ki la ong ïa kane ban riam ïa U Jisu, khnang ba ki lah ban mudui ïa u. Hynrei u la dem sha khyndew bad u la thoh ha madan da la ka shympriah kti.

1 KORINTH 10:9

Ngim dei ban tynjuh ïa U Trai, kumba don na ki, kiba la leh kumta — bad la pynïap ïa ki da ki bseiñ.