MARKOS 10:17 - Khasi CL Bible (BSI)

¹⁷ Katba U Jisu u la sdang biang ha ka jingïaid lynti jong u, uwei u briew u la wan mareh, u la dem khohsiew ha khmat jong u, bad u la ong ïa u, “Ko Nonghikai Babha, kaei kaba nga dei ban leh ban ïoh ïa ka jingim bymjukut?”

KA BAIBL

¹⁷ Haba U dang leit te nangta sha lynti bah, uwei u la phet ha U bad u la dem khohsiew ha U, bad u la kylli ïa U, “Ko Nonghikai babha, kaei ngan leh ba ngan ïoh ka jingim bymjukut?”

MARKOS 10:17 ပူးပေါင်းရင်းမြစ်များ

DANIEL 6:10

Haba u Daniel u la tip ba ïa ka hukum la lah soi, u la leit sha ïing. Ha ka kamra kaba haneng jong ka ïing jong u la don ki jingkhangïit kiba phai sha Jerusalem. Hangta, kumba u la ju ïai leh, u la dem khohsiew ha ki jingkhangïit ba la plie bad u duwai sha U Blei lai sien shi sngi.

MATHAÏOS 17:14

Haba ki la wan phai pat sha u paidbah, uwei u briew u la wan sha U Jisu, u la dem khohsiew ha khmat jong u,

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 28:8

Kumta ki la mihnoh ha ka jingkyrkieh na ka jingtep, da ka jingsheptieng bad pynban kiba la pyndap da ka jingkmen, bad ki la mareh ban ïathuh ha ki synran jong u.

MARKOS 1:40

U briew uba pang na ka jingpang 'ñiangthohlieh u la wan ha U Jisu, u la dem khohsiew bad u la kyrpad ïa u ban ïarap. “Lada me mon,” u la ong, “me lah ban pynkhuid ïa nga.”

MARKOS 10:18

“Balei me khot babha ïa nga?” U Jisu u la kylli ïa u. “Ym don uba bha lait noh tang U Blei hi.

MARKOS 12:14

Ki la wan sha u bad ki la ong, “Ko Nonghikai, ngi tip ba me kren ïa ka jingshisha, khlem da khuslai ïa kaei kaba ki briew ki pyrkhat. Mem ñiew ïa ka kyrdan u briew, hynrei me hikai ïa ka jingshisha shaphang ka mon U Blei na ka bynta u briew. To ïathuh ïa ngi, hato ka long pyrshah ïa ka Hukum jong ngi ban siew ki khajna sha u Patsha ka Rom? Hato ka dei ïa ngi ban siew ne ban ym siew?”

MARKOS 9:25

U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

LOUKAS 10:25

U nonghikai ka Hukum u la wan bad u la pyrshang ban riam ïa U Jisu. “Ko Nonghikai,” u la kylli, “kaei nga dei ban leh ban ïohpdiang ïa ka jingim bymjukut?”

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 5:39

Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

KI KAM 16:30

Nangta u la ïalam noh ïa ki shabar bad u la kylli, “Ko rangbah, kaei nga dei ban leh ba yn pynim ïa nga?”

KI KAM 2:37

Haba ki paidbah ki la ïohsngew ïa kane, ki la khuslai shikatdei eh bad ki la ong ha u Petros bad ha kiwei pat ki apostol, “Kaei kaba ngin leh, ko para?”

KI KAM 20:32

“Bad mynta nga aiti ïa phi ha ka jingsumar jong U Blei bad ha ka khubor jong ka jingaiei jong u, kaba lah ban tei ïa phi, bad ai ha phi ïa ki jingkyrkhu kiba U Blei u don na ka bynta ki briew baroh.

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

TITOS 3:7

khnang ba ngi lah ban don ka jingïadei kaba beit bad U Blei bad ïohpdiang ïa ka jingim bymjukut kaba ngi ap kyrmen.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

1 PETROS 1:4

Kane ka pyndap ïa ngi da ka jingkyrmen ba-im, bad kumta ngi peit sha khmat ban ïohpdiang ïa ki jingkyrkhu kyrhai kiba U Blei u la buh na ka bynta ki briew jong u. U buh ïa ki ha bneng na ka bynta jong phi, ha kaba kim lah ban pyut lane duh noh lane sep noh.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.