MARKOS 10:14 - Khasi CL Bible (BSI)

¹⁴ Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

KA BAIBL

¹⁴ Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

MARKOS 10:14 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

SALM 78:4

Ngin ym buhrieh ïa ki na ki khun jong ngi; ngin ïathuh ïa ka pateng kaba bud shaphang ka bor ka jong U Trai, bad ïa ki kam bakhraw jong u bad ïa ki kamphylla kiba u la leh.

ISAÏAH 65:23

Ki jingtrei ba kin trei kin manbha, bad ki khun jong ki kin ym mad ïa ka jingjynjar. Ngan kyrkhu ïa ki bad ïa ki khun ki ksiew jong ki ha ki por ki ban wan baroh.

JINGKHEIÑ 14:31

Phi ong ba ki khun ki kti jong phi kin shah kem, hynrei ngan wallam ïa ki sha kata ka ri ïa kaba phi, phi la kyntait, bad kan long ka jaka shong jaka sah jong ki.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:4

Uba khraw tam hapoh ka Hima ki bneng u long uta uba pynrit ïa lade bad uba long kum une u khynnah.

MATHAÏOS 19:14

U Jisu u la ong, “Shah ïa ki khynnah ba kin wan sha nga bad wat khang ïa ki, namar ka Hima ki bneng ka long ïa kiba kum kine.”

MATHAÏOS 5:10

Suk kito kiba shah pynshitom beiñ namar ba ki leh ïa kaei kaba U Blei u dawa; ka Hima ki bneng ka long ka jong ki!

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

MARKOS 8:33

Hynrei U Jisu u la phai, u la khmih ïa ki synran jong u, bad u la sneng ïa u Petros. “Khie noh na nga, me u Soitan,” u la ong. “Ki jingpyrkhat jong me kim shym wan na U Blei hynrei na u briew!”

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

KI KAM 3:25

Ki jingkular jong U Blei lyngba ki nongïathuhlypa ki long na ka bynta jong phi, bad phi ïoh bynta ha ka jutang kaba U Blei u la pynlong bad ki kpa tymmen jong phi. Kumba u la ong ha u Abraham, ‘Lyngba ki khun ki ksiew jong me ngan kyrkhu ïa ki briew baroh ha ka pyrthei.’

Ka Shithi U Paul Sha Ki Nong Rom 11:16

Lada ïa u kpu banyngkong la ai sha U Blei, te u kpu baroh uwei ruh u long u jong u; bad lada ïa ki thied jong u dieng la ai ha U Blei, ki tnat ruh ki long ki jong U.

Ka Shithi U Paul Sha Ki Nong Rom 11:28

Namar ba ki kyntait ïa ka Khubor Babha, ki Jiw ki long ki nongshun jong U Blei na ka bynta jong phi ki Jentil. Hynrei namar ka jingjied U Blei, ki long ki paralok jong u namar ki kpa tymmen jong ki.

1 KORINTH 14:20

Wat long kum ki khynnah ha ka rukom pyrkhat jong phi, ko parabangeit jong nga; to long khynnah ha kaba ïadei bad ka jingbymman, hynrei to long rangbah ha ka rukom pyrkhat.

1 KORINTH 7:14

Naba ïa u tnga u bymngeit la pynlong uba la pdiang ha U Blei da kaba pynïasoh ha ka tnga jong u, bad ïa ka tnga ka bymngeit la pynlong kaba la pdiang ha U Blei da kaba pynïasoh ha la u tnga uba ngeit. Lada kane kam long kumta, ki khun jong ki kin long kum ki khun jong ki bymngeit; hynrei kumba ka long, la pynlong ïa ki kiba la pdiang da U Blei.

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.

2 TIMOTHI 1:5

Nga kynmaw ïa ka jingngeit basngur kaba me don, ka jingngeit kaba kum ka jong ka kmierad jong me ka Lois bad kaba ka kmie jong me ka Ïuniki ruh ka don. Nga sngewthikna ba me ruh me don ïa ka.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

JOSHUA 8:35

U Joshua u pule ïa kawei pa kawei na ki hukum u Moses ha kata ka jingïalang, ha kaba la kynthup ïa ki kynthei bad ki khynnah, lem bad ki nongwei kiba shong basah hapdeng jong ki.

1 PETROS 2:2

To long kum ki khunlung kiba dang shu kha, kiba kwah hir hir borabor ïa ka dud bakhuid ba kynja mynsiem, khnang ba da kaba dih ïa ka phin san bad yn pynim ïa phi.

JINGPYNPAW 14:5

Ym ju lap ïa ki ba ki ïathuh lamler; ki long kiba khlem thohbria.

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”

1 SAMUEL 1:22

Hynrei ha kata ka kynti ka Hannah kam shym la leit. Ka ong ha la u tnga, “Nga tang shu pyniehnoh buiñ ïa u, ngan wan ïalam ïa u sha ïing U Trai, bad hangta un shong baroh shi rta.”