MARKOS 10:1 - Khasi CL Bible (BSI)

¹ Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

KA BAIBL

¹ Haba u la mih nangta, u la wan ha ki phang Judia, sha shiliang ka Jordan: bad ki paidbah ki la ïalum lang pat ha u; te kumba u la ju leh, u la hikai pat ïa ki.

MARKOS 10:1 ပူးပေါင်းရင်းမြစ်များ

EKLESIASTIS 12:9

Hynrei namar ba u Stad saiñpyrkhat u long uba stad, u ïai hikai ïa ki briew ïa kaei kaba u tip. U la pule bniah ïa ki proberb bad da kaba sngur mynsiem u da tynjuh ïa ka jingshisha jong ki.

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

MATHAÏOS 26:55

Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MARKOS 1:21

U Jisu bad ki synran jong u ki la wan sha ka shnong Kapernam, bad ha ka sngi Sabbaton kaba bud, U Jisu u la leit sha ka synagog bad u la sdang ban hikai.

MARKOS 10:2

Katto katne ngut ki Pharisi ki la wan ha u bad ki la pyrshang ban riam ïa u. “Ïathuh ïa ngi,” ki la kylli, “hato ka Hukum jong ngi ka shah ne em ïa u briew ban pyllait ïa ka tnga jong u?”

MARKOS 12:35

Katba U Jisu u dang hikai ha ka Templ, u la kylli ka jingkylli, “Kumno ki nonghikai jong ka Hukum ki ong ba U Messaïah un long uba hiarpateng na u Dabid?

MARKOS 14:49

Man ka sngi nga la don bad phi ban hikai ha ka Templ, bad phim shym la kem ïa nga. Hynrei ki Jingthoh Bakhuid ki dei ban urlong shisha.”

MARKOS 2:13

U Jisu u la leit phai pat sharud ka duriaw Galilaïa. U paidbah u la wan sha u bad u la sdang ban hikai ïa ki.

MARKOS 4:2

U la pyndonkam da ki pharshi ban hikai shibun kiei kiei ïa ki, da kaba ong ha ki:

MARKOS 6:2

Ha ka sngi Sabbaton u la sdang ban hikai ha ka synagog. Bun ki briew ki la don hangta; bad haba ki la ïohsngew ïa u, baroh ki la sngewlyngngoh. “Nangno u la ïoh ïa kane baroh?” ki la kylli. “Ka jingstad aïu kane ba la ai ha u? Kumno u leh ïa ki kambah?

MARKOS 6:34

Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

MARKOS 6:6

U la sngewlyngngoh shikatdei, namar ki briew kim shym don jingngeit. Nangta U Jisu u la leit sha ki nongrit kiba don sawdong ha kata ka thain, u da hikai ïa ki briew.

ÏOANNIS 10:40

U Jisu u la leit phai biang sha shiliang ka wah Jordan sha ka jaka ha kaba u Ïoannis u la ju pynbaptis, bad u la sah hangta.

ÏOANNIS 11:7

Nangta u la ong ha ki synran, “Ïa ngin ïaleit phai noh sha Judia.”

ÏOANNIS 18:20

U Jisu u la jubab, “Nga la ju kren ha kaba paw ha baroh; ki jinghikai jong nga baroh ki la long ha ki synagog bad ha ka Templ, ha kaba ki briew baroh ki ïawanlang. Ngam ju ong ïa kano kano ha kaba rieh.