MARKOS 1:27 - Khasi CL Bible (BSI)

²⁷ Ki briew baroh ki la sngewlyngngoh ba ki la sdang ban ïa-ong para ma ki, “Kaei kane? Hato ka dei ka jait jinghikai thymmai? Une u briew u don ka bor ban ai hukum ïa ki mynsiem bymkhuid, bad ki kohnguh ïa u!”

KA BAIBL

²⁷ Baroh te ki la sngewkyndit, kat ban ïakylli hi paralok, ki da ong, “Kaei kane? ka jinghikai bathymmai! da ka bor U hukum wat kat ïa ki mynsiem bymkhuid, ki ruh ki kohnguh ïa U!”

MARKOS 1:27 ပူးပေါင်းရင်းမြစ်များ

MATHAÏOS 15:31

Ki paidbah ki la lyngngoh haba ki la ïohi ba ki bymnang kren ki kren, kiba khrew ki koit, kiba dkoh ki ïaid, bad kiba matlah ki ïohi, bad ki la ïaroh ïa U Blei ka Israel.

MATHAÏOS 8:9

Ma nga ruh, nga long u briew hapoh ka iktiar jong ki rangbah pynïaidkam kiba kham halor, bad nga don ruh ki shipai hapoh jong nga. Nga hukum ïa une uwei, ‘Khie leit!’ bad u leit; bad nga hukum ïa utai uwei, ‘Ale!’ bad u wan; bad nga hukum ïa u mraw jong nga, ‘Leh ïa kane!’ bad u leh ïa kata.”

MATHAÏOS 9:33

Hynrei mar syn beh noh ïa u ksuid, u briew u la sdang ban kren, bad uwei uwei baroh u la lyngngoh, “Ngim pat ju ïohi mynno mynno ruh kum kane ha Israel!” ki la ong.

MARKOS 1:26

U mynsiem bymkhuid u la pynring kyrthat ïa u briew, u la lynñiar jam, bad u la mihnoh na u.

MARKOS 1:28

Bad kumta ka khubor shaphang U Jisu ka la phriang stet kylleng ka probins jong ka Galilaïa.

MARKOS 10:24

Ki synran ki la sngewkyndit halor kine ki ktien, hynrei U Jisu u la ong shuh shuh, “Ko khun jong nga, katno ka long kaba eh ban rung sha ka Hima U Blei!

MARKOS 10:32

U Jisu bad ki synran jong u ki la don mynta ha ka jingïaid lynti ban leit kiew sha Jerusalem. U Jisu u la nang leit ha shuwa ki synran, kiba la dap da ka jingsngewtieng; ki briew kiba la bud nadien ki la sheptieng. Sa shisien pat U Jisu u la shim ïa ki khat-ar ngut ki synran sharud bad u la kren ïa kiei kiei ki ban sa jia ïa u.

MARKOS 16:5

Kumta ki la rung shapoh ka jingtep, ha kaba ki la ïohi ïa u samla uba shong ha ka liang kamon uba phong da ka jaiñkup balieh — bad ki la sheptieng.

MARKOS 16:6

“Wat sheptieng,” u la ong. “Nga tip ba phi ïawad ïa U Jisu uba na Nasareth, ïa uba la sahnarphna. Um don hangne — u la mihpat! Ha khmih, hangne ka jaka ha kaba ki la buh ïa u.

MARKOS 7:37

Bad baroh kiba la ïohsngew ki la sngewlyngngoh shikatdei eh. “Kumno u lah ban leh ïa kiei kiei baroh!” ki la ïa-pyrta. “U lah wat ban pynlong ïa uba kyllut ban ïohsngew bad ïa u bymnang kren ban kren!”

LOUKAS 4:36

Ki briew baroh ki la sngewphylla bad ki la ïa-ong para ma ki, “Ki jait ktien aïu kine? Da ka iktiar bad ka bor une u briew u ai ki hukum ïa ki mynsiem bymkhuid, bad ki ïamihnoh!”

LOUKAS 9:1

U Jisu u la khot lang ïa ki khat-ar ngut ki synran bad u la ai ha ki ka bor bad ka iktiar ban beh noh ïa ki ksuid baroh bad ban pynkhiah ïa ki jingpang.

KI KAM 17:19

Kumta ki la shim ïa u Paul, ki la wallam ïa u ha khmat ka dorbar jong ka nongbah, ka Ariopagos, bad ki la ong, “Ngi kwah ban tip kaei kane ka jinghikai bathymmai kaba me kren.