MARKOS 1:21 - Khasi CL Bible (BSI)

²¹ U Jisu bad ki synran jong u ki la wan sha ka shnong Kapernam, bad ha ka sngi Sabbaton kaba bud, U Jisu u la leit sha ka synagog bad u la sdang ban hikai.

KA BAIBL

²¹ Ki la rung ruh sha Kapernam: te kumne kumne ruh, ha ka sngi Sabbaton u la rung sha ka synagog, bad u la hikai.

MARKOS 1:21 ပူးပေါင်းရင်းမြစ်များ

MATHAÏOS 4:13

Um shym la shong la sah ha Nasareth, hynrei u la leit ban shong ban sah ha Kapernam, ka nongrit harud ka Duriaw Galilaïa ha ka thain jong ka Sebulun bad ka Naphtali.

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MARKOS 1:20

U Jisu u tang shu ïohi ïa ki, u la khot ïa ki; ki la iehnoh ïa la u kpa jong ki, u Sebedi ha ka lieng ryngkat bad ki rangbah kiba trei bylla, bad ki la leit bad U Jisu.

MARKOS 1:29

U Jisu bad ki synran jong u, kynthup ïa u Jakob bad u Ïoannis, ki la mih na ka synagog bad ki la leit beit sha ka ïing u Simon bad u Andriw.

MARKOS 1:33

Baroh ki briew jong ka shnong ki la ïalum ha khmat jong ka ïing.

MARKOS 1:39

Kumta u la leit sha baroh ki jaka ha Galilaïa, da kaba ïalap ha ki synagog bad beh noh ïa ki ksuid.

MARKOS 10:1

Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

MARKOS 2:1

Hadien katto katne sngi U Jisu u la leit phai pat sha Kapernam, bad ka khubor ka la phriang ba u la don ha ïing.

MARKOS 3:1

Nangta U Jisu u la leit pat sha ka synagog, ha kaba u la ïohi ïa uba ïapshiliang ka kti.

MARKOS 6:2

Ha ka sngi Sabbaton u la sdang ban hikai ha ka synagog. Bun ki briew ki la don hangta; bad haba ki la ïohsngew ïa u, baroh ki la sngewlyngngoh. “Nangno u la ïoh ïa kane baroh?” ki la kylli. “Ka jingstad aïu kane ba la ai ha u? Kumno u leh ïa ki kambah?

LOUKAS 10:15

Bad ïa pha, ko Kapernam! Hato pha kwah ban kyntiew ïa lade shaduh sha bneng? Yn bret ïa pha sha tbian sha dujok!”

LOUKAS 13:10

Ha kawei ka sngi Sabbaton, U Jisu u dang hikai ha ka synagog.

LOUKAS 4:16

Nangta U Jisu u la leit sha Nasareth, ha kaba la pynheh pynsan ïa u, bad ha ka sngi Sabbaton u la leit sha ka synagog kumba ju long. U la ïeng ban pule ïa Ki Jingthoh Bakhuid,

LOUKAS 4:23

U la ong ha ki, “Nga thikna ba phin sot ïa kane ka proberb ha nga, ‘Ko nongpynkhiah, to pynkhiah ïa lade.’ Phin ong ruh ïa nga ban leh hangne ha la ka shnong ïa kijuh kiei kiei kiba phi la ïohsngew ïa kiba la leh ha Kapernam.

KI KAM 17:2

Kumba u ju leh, u Paul u la leit sha ka synagog. Hangta, ha ki lai tylli ki sngi Sabbaton u la ïatainia bad ki paidbah,

KI KAM 18:4

U la ïaphylliew jingmut hapoh synagog man la ka sngi Sabbaton, da kaba pyrshang ban pynkohnguh ïa ki Jiw bad ki Grik.