MARKOS 1:13 - Khasi CL Bible (BSI)

¹³ ha kaba u la shong hangta sawphew sngi, da kaba shah pynshoi ha u Soitan. Ki mradkhlaw ki la don ruh hangta, hynrei ki angel ki la wan bad ïarap ïa u.

KA BAIBL

¹³ U la don te ha kata ka ri khlaw sawphew sngi, ba la pynshoi ïa u da u Soitan; bad u la don ryngkat bad ki mrad khlaw, bad ki angel ki la ïashakri ïa u.

MARKOS 1:13 ပူးပေါင်းရင်းမြစ်များ

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 34:28

U Moses u la sah hangta bad U Trai sawphew sngi bad sawphew miet, khlem bam khlem dih. U thoh ruh ha kita ki mawlyngkniap ïa ki ktien jong kata ka jutang — ki Shiphew Hukum keiñ.

MATHAÏOS 26:53

Hato phim tip ba nga lah ban kyrpad jingïarap na U Kpa jong nga, bad shisyndon un da la phah palat khat-ar kynhun ki angel?

MATHAÏOS 4:1

Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan.

LOUKAS 4:1

U Jisu u la wan phai na ka wah Jordan uba la dap da U Mynsiem Bakhuid bad la ïalam ïa u da U Mynsiem sha ka ri shyiap,

DEUTERONOMI 9:11

Ho-oid, hadien kita ki sawphew sngi bad sawphew miet, U Trai u la ai ha nga ïa kita ki ar tylli ki mawlyngkniap ha kiba u la thoh ïa kata ka jutang.

DEUTERONOMI 9:18

Nangta sa shisien pat nga dem khrup ha khmat U Trai sawphew sngi bad sawphew miet, bad ngam shym la bam ne dih ei ei, namar ba phi la leh pop pyrshah ïa U Trai bad phi la pynbitar ïa u.

DEUTERONOMI 9:25

“Kumta nga la dem khrup ha khmat U Trai ha kita ki sawphew sngi bad sawphew miet, namar ba u la ong ba un pynjot ïa phi.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.