MALAKHI 4:3 - Khasi CL Bible (BSI)

³ Ha ka sngi haba ngan leh ïa ka kam, phin jop thiaw ïa ki bymman, bad kin long kum u pui pui hapoh ki kjat jong phi.

KA BAIBL

³ Bad phin ïuh roit ïa ki bymman; naba kin long ka dpei hapoh ki sla'jat jong phi ha kata ka sngi ba nga leh ïa kane,” ong U Trai ki paid.

MALAKHI 4:3 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

2 SAMUEL 22:39

Nga shoh pynkyllon ïa ki, bad kim lah khie shuh ki thiah ha ka jingshahjop ha khmat jong nga.

2 SAMUEL 22:43

Nga pynlwet ïa ki, bad ki kylla long kum u pui pui, nga ïuh halor jong ki kum ïa ka ktieh ha ki lynti.

Ka Kitab U Job 40:12

Ho-oid, to khmih ïa ki bad to pynhiar ïa ki; pynlwet ïa ki bymman ha ka jaka kaba ki ïeng.

SALM 147:6

U kyntiew ïa kiba sngewrit, hynrei u pynlwet ïa ki bymman ha ka khyndew.

SALM 49:14

kin kut ha kaba ïap kum ki langbrot, bad ka Jingïap kan long u nongaplangbrot jong ki. Kiba hok kin jop halor jong ki, katba ki met jong ki kin pyut kloi ha ka pyrthei kiba ïap, jngai na ki ïing jong ki.

SALM 91:13

Men ïuhroit halor ki sing bad ki bseiñ, ïa ki sing ba-itriem bad ïa ki 'seiñpuh.

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 26:6

Kito kiba la shah banbeiñ, ki ïaid halor jong ka mynta bad ki ïuh ïa ka hapoh ki kjat jong ki.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

ESEKIEL 28:18

Me la leh kat kata kaba sniew ha kaba thied bad die haduh ba ki jaka mane jong me ki la long kiba thala. Te nga la tbeh ding ïa ka nongbah bad thang duh ïa ka. Baroh kiba khmih ha me mynta ki ïohi ïa me ba la kylla dpei.

DANIEL 7:18

Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

MALAKHI 3:17

“Kin long ki briew jong nga,” ong U Trai Badonbor Baroh. “Ha ka sngi ba ngan trei ïa ka kam, kin long ki jong nga hi. Ngan leh-isynei ïa ki kumba u kpa u leh-isynei ïa u khun uba shakri ïa u.

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 14:20

Ïa ki sohwaiñ la khñiot ha ka jaka khñiot waiñ shabar ka nongbah, bad ka snam ka la mihnoh na ka jaka khñiot waiñ ha ka jingshlei kumba laispah kilomitar ka jingjrong bad la jan ar mitar ka jingjylliew.