MALAKHI 4:2 - Khasi CL Bible (BSI)

² Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

KA BAIBL

² Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

MALAKHI 4:2 ပူးပေါင်းရင်းမြစ်များ

2 SAMUEL 23:4

u long kum ka sngi kaba shat ha ka step bym don lyoh, ka sngi kaba pynshat phyrnai ïa u phlang hadien u slap.”

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

SALM 61:5

Me la ïohsngew ïa ki kular jong nga, A Blei, bad me la ai ha nga ïa kaei kaba dei ka jong kito kiba pyndonburom ïa me.

SALM 67:1

A Blei, to isynei ïa ngi bad to kyrkhu ïa ngi; to khmih halor jong ngi da ka jingbhasbun,

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

SALM 85:9

Da shisha u kloi ban pynim ïa kito kiba pyndonburom ïa u, bad ka jingdon ryngkat kaba pynim jong u kan ïoh shongsah ha ka ri jong ngi.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

ISAÏAH 35:6

Kiba dkoh kin rynsied bad shad, bad kito ki bym lah ban kren kin pyrta da ka jingkmen. Ki wahduid kin tuid lyngba ka ri shyiap;

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

ISAÏAH 9:2

Ki briew kiba la ïaid ha ka jingdum ki la ïohi ïa ka jingshai kaba khraw. Ki la shong ha ka ri jong ki syrngiew, hynrei mynta ka jingshai ka la tyngshaiñ halor jong ki.

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

ESEKIEL 47:12

Ha baroh arliang ki rud jong ka wahduid, bun jait ki dieng kin mih ban pynmih jingbam. Ki sla jong ki kin ym jlop noh lano lano ruh, bad kin ym sangeh na kaba pynmih soh. Kin don ki soh kiba bang man u bnai, namar ïa ki la ai um da ka wahduid kaba tuid na ka Templ. Ki dieng kin pynïoh jingbam, bad ïa ki sla jong ki yn pyndonkam na ka bynta ka jingpynkhiah ïa ki briew.”

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MALAKHI 3:16

Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

LOUKAS 1:50

na kawei ka pateng bynriew sha kawei pat u pyn-i ka jingisynei ha kito kiba pyndonburom ïa u.

LOUKAS 1:78

U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:4

U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

ÏOANNIS 1:8

U hi da lade um dei ka jingshai; u la wan ban ïathuh shaphang ka jingshai.

ÏOANNIS 12:40

“U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

ÏOANNIS 9:4

Katba ka dang don ka sngi, ngi dei ban trei ïa ka kam jong uta uba la phah ïa nga; ka miet ka wan haba ym don uba lah ban trei.

KI KAM 13:26

“Ko para Israel jong nga, ki khun ki ksiew jong u Abraham, bad baroh ki Jentil hangne kiba mane ïa U Blei: Ka long ha ngi, ba la phah ïa kane ka khubor ka jingpynim!

KI KAM 13:47

Naba kane ka long ka hukum kaba U Trai u la ai ha ngi: “ ‘Nga la pynlong ïa phi ka jingshai na ka bynta ki Jentil, khnang ba baroh ka pyrthei ka lah ban lait im.’ ”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

2 PETROS 1:19

Kumta ngi la nang sngewskhem shuh shuh ha ka khubor ba la pynbna da ki nongïathuhlypa. Kan bha ba phi shahshkor ïa ka, namar ka long kum ka sharak kaba shai ha ka jaka ba-dum haduh ba kata ka Sngi ka wan bad ka jingshai jong u 'lurstep ka tyngshaiñ ha ki dohnud jong phi.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

1 ÏOANNIS 2:8

Pynban, ka hukum kaba nga thoh mynta sha phi ka long kaba thymmai, namar ka jingshisha jong ka, ka la paw ha U Khrist bad kumjuh ruh ha phi. Naba ka jingdum ka la jah noh, bad ka jingshai kaba shisha ka la da tyngshaiñ.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”