MALAKHI 4:1 - Khasi CL Bible (BSI)

¹ U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

KA BAIBL

¹ “Naba, ha khmih, kata ka sngi ka wan, ka ing kum ka lawar ding; te kiba sarong baroh, bad baroh kiba leh bymman, kin long u skum: bad kata ka sngi kaba wan kan pyningkhong ïa ki,” ong U Trai ki paid, “kat ban ym pynsah ïa ki lymne u thied lymne ka tnat.

MALAKHI 4:1 ပူးပေါင်းရင်းမြစ်များ

Ka Kitab U Job 18:16

Ki thied bad ki tnat jong u ki la sti bad tyrkhong.

SALM 119:119

Me ñiew ïa ki bymman baroh kum ka synrum, bad kumta nga ieit ïa ki jingbthah jong me.

SALM 37:9

Kito kiba shaniah ha U Trai kin ïohkynti ïa ka ri; hynrei ki bymman kin shah beh noh.

EKSODOS 15:7

Da ka jingjop bakhraw me pynliem ïa ki nongshun jong me; ka jingbitar jong me ka meh bad ka bam duh ïa ki kum ïa u phlangïap.

ISAÏAH 40:24

Ki long tang kum ki jingthung ba dang lung, ba dang shu mih bad bym pat suhthied, haba U Trai u phah ïa ka lyer, ki tyrkhong noh bad kit noh kum u phlangïap.

ISAÏAH 41:2

“Uei uta uba wanrah ïa u nongjop na sha mihngi, bad pynlong ïa u ban leh risa kat shaba u leit? Mano ba ai jingjop ïa u halor ki syiem bad ki jaitbynriew? Ka waitlam jong u ka mait ïa ki la kumba ki long ka pui pui, ki khnam jong u ki pynsaphred ïa ki kum u phlangïap ha khmat ka lyer.

ISAÏAH 47:14

“Kin long kum ki lyngkhot phlangïap, bad ka ding kan bam duh ïa ki! Kin ym lah wat ban pyllait im ïa lade — ki thylliej ding kin khluit eh na ka bynta jong ki, yn ym don ka ding kaba rhem ban pynsyaid ïa lade.

ISAÏAH 5:24

Kumta mynta, kumba u skum kba bad u phlang tyrkhong ki ran bad ing ha ka ding, ki thied jong phi kin pyut bad ki syntiew jong phi kin tyrkhong bad shah rong noh ha ka lyer, namar ba phi la kyntait ïa kaei kaba U Trai Badonbor Baroh, U Blei bakhuid ka Israel u la hikai ïa ngi.

ISAÏAH 9:18

Ka jingbymman jong ki briew ka pluh kum ka ding kaba pynjot thiaw ïa ki bniap shiah bad ki shiah buid. Ka pluh kum ka ding ha khlaw kaba pynmih shajrong ïa ki rishot tdem.

ISAÏAH 9:19

Namar ba U Trai Badonbor Baroh u bitar, ka jingpynshitom jong u ka pluh kum ka ding ha kylleng jong ka ri bad ka pynjot thiaw ïa ki briew, bad dei ma ngi iwei pa iwei ïa lade hi.

ESEKIEL 20:38

Ngan shim noh napdeng jong phi ïa kito kiba ïeng ïaleh pyrshah bad kiba dap da ka pop. Ngan shim noh ïa ki na ki ri ha kaba ki shong ki sah mynta, hynrei ngan ym shah ïa ki ban wan phai pat sha ka ri Israel. Te phin tip ba nga long U Trai.”

ESEKIEL 21:32

Yn pynjot ïa phi da ka ding. Ïa ka snam jong phi yn pynmih ha la ka ri, bad yn ym don ba kynmaw shuh ïa phi.’ ” U Trai u la kren.

ESEKIEL 24:11

Mynta buh ïa u khiew rnong ba suda halor ki rnga bad ai ba un sawlep. Te u khiew un long ba la pynkhuid ha ka jinglehniam sa shisien hadien ba ka sarang ka la ing lut,

ESEKIEL 34:17

“Te mynta, ko ka kynhun jong nga; ma nga, U Trai Nongsynshar nga ïathuh ha phi ba ngan bishar ïa kawei pa kawei na phi bad ngan pynkhlad ïa kiba bha na kiba sniew, ïa ki langbrot na ki blang.

ESEKIEL 7:10

Ka sngi jong ka jingjot ka la wan ïa ka Israel. Ka jingleh jubor ka nang roi. Ka jingsarong ka ïeng rasong.

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

AMOS 2:9

“Bad pynban, ko ki briew jong nga, dei na ka bynta jong phi ba nga la pynjot khoit ïa ki Amor, ki rangbah kiba jrong kat ki dieng Kedar bad kiba eh kum ki dieng Sning.

OBADAÏAH 1:18

“Ki briew jong u Jakob bad jong u Joseph kin long kum ka ding; kin pynjot ïa ki briew u Iso kumba ka ding ka thang ïa u phlangïap. Yn ym don uba hiarpateng na u Iso u ban lait im. Ma nga, U Trai, nga la kren.

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

SEPHANAÏAH 1:14

Ka sngi bakhraw jong U Trai ka la jan — ka la jan eh bad ka wan kloi! Kata kan long ka sngi kaba kthang, namar wat ki shipai kiba shlur tam kin kyang jam ha ka jingnoh mynsiem!

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

SEKHARAÏAH 14:1

Ka sngi ha kaba U Trai un shong ha ka khet bishar ka la jan. Te ïa ka Jerusalem yn sa lute, bad ïa ka jinglute yn sa pynïabynta ha ka jingïohi jong phi.

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

MALAKHI 3:3

Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

LOUKAS 19:43

Ka por kan poi haba ki nongshun jong pha kin ker sawdong ïa pha da ki jingker, ki jingkhanglad ïa pha, bad ki nang tur jan sha pha na ki liang baroh.

LOUKAS 21:20

“Haba phi ïohi ba la kerkut ïa ka Jerusalem da ki kynhun shipai, te phin tip ba shen yn sa pynjot noh ïa ka.

LOUKAS 6:23

To kmen haba kata ka jia, bad to shad da ka jingkmen, namar ïa ka bainong kaba khraw la buh na ka bynta jong phi ha bneng. Naba ki kpa tymmen jong ki, ki la leh ïa kajuh ha ki nongïathuhlypa.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

2 PETROS 3:7

Hynrei ïa ki bneng bad ka pyrthei kiba long mynta la pynsah da kajuh ka hukum jong U Blei, khnang ban ïoh pynjot da ka ding. Ïa ki la pynsah na ka bynta ka sngi haba ïa ki briew ki bymtip Blei yn bishar bad pynjot noh.