MALAKHI 3:6 - Khasi CL Bible (BSI)

⁶ “Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

KA BAIBL

⁶ “Naba nga U Trai ngam ju kylla; namar kata keiñ, ba ym shym la bam duh noh ïa phi, ko phi ki khun u Jakob.

MALAKHI 3:6 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 15:7

Te U Trai u ong ha u, “Nga long U Trai, uba la wan ïalam ïa me na ka shnong Ur kaba ha ka ri Babilonia, ban ai ha me ïa kane ka ri kum ka jong me hi.”

JENESIS 22:16

“Nga la smai da ka kyrteng jong nga — U Trai u kren — ba ngan kyrkhu kyrhai ïa me. Namar me la leh ïa kane, bad mem shym la tyngkai noh ïa la u khun marwei na nga,

SALM 102:26

Kin sa jah noh, hynrei me te men sah; ma ki baroh kin kylla rim kum ki jaiñphong, Men kyntait noh ïa ki kum ki jaiñphong bad kin jah noh.

SALM 102:27

Hynrei ma me men long borabor kumjuh, bad ka jingim jong me kan ym kut lano lano ruh.

SALM 102:28

Ki khun jong ngi kin im hapdeng ka jingshngain, bad hapoh ka jingïada jong me ki khun ki ksiew jong ki kin skhem.

SALM 103:17

Hynrei ïa kito kiba pyndonburom ïa U Trai, ka jingieit jong u ka neh junom, bad ka jingbha jong u ka ïaisah pateng la pateng

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 78:57

hynrei ki la ïeng ïaleh pyrshah bad kim kohnguh kum ki kpa tymmen jong ki, ki bym lah ban shaniah kum u khnam uba la kdor.

ISAÏAH 41:13

Nga long U Trai U Blei jong me; nga pynkhlaiñ ïa me bad nga ong, ‘wat sheptieng; ngan ïarap ïa me.’ ”

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 46:4

Nga long U Blei jong phi bad ngan sumar ïa phi haduh ba phin da tymmen bad ba u shñiuh jong phi u la lieh. Nga la thaw ïa phi bad ngan sumar ïa phi; Ngan ai jingïarap ïa phi bad ngan pyllait ïa phi.

JEREMAÏAH 32:27

“Nga long U Trai, U Blei ki jaitbynriew baroh. Ym don kaei kaei kaba eh than ïa nga ban leh.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

HOSIA 11:9

Ngan ym pynshitom ïa phi ha ka jingbitar jong nga; ngan ym pynjot shuh ïa ki Israel. Namar nga dei U Blei bad ym u briew. Ma nga, uta Uba Khuid ngan long bad phi. Ngan ym wan sha phi ha ka jingbitar.

HABAKKUK 1:12

A Trai, naduh kaba nyngkong eh me long U Blei. Me long U Blei jong nga, uba khuid bad uba bymjukut. A Trai, U Blei jong nga bad u nongïada, me la jied ïa ki nong Babilonia bad pynlong ïa ki, kiba khlaiñ khnang ba kin lah ban pynshitom ïa ngi.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 22:13

Nga long uba nyngkong bad uba khatduh, uba sdang bad uba kut.”

1 SAMUEL 15:29

U Blei bakhraw jong ki Israel um ju lamler lane kylla la ka jingmut. Um dei u briew — um ju kylla la ka jingmut.”