MALAKHI 3:5 - Khasi CL Bible (BSI)

⁵ U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

KA BAIBL

⁵ “Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

MALAKHI 3:5 ပူးပေါင်းရင်းမြစ်များ

JENESIS 20:11

U Abraham u jubab, “Nga la pyrkhat ba yn ym don hangne kiba sheptieng burom ïa U Blei, ba kumta kin pynïap ïa nga ban ïoh ïa ka tnga jong nga.

JENESIS 42:18

Ha ka sngi kaba lai, u Joseph u ong ha ki, “Nga long u briew uba sheptieng Blei, kumta ngan pyllait im ïa phi ha kane ka kyndon:

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

Ka Kitab U Job 31:12

Kan long kum ka jingpynjot, ka ding bashyrkhei, ka ban bam duh ïa kiei kiei baroh kiba nga don.

Ka Kitab U Job 7:2

kum u mraw uba kwah hir hir ïa ka jakarieh tngen; kum u nongtrei uba ap ïa la ka bainong.

SALM 36:1

Ka pop ka kren ha u riewbymman shapoh eh ka dohnud jong u; u kyntait ïa U Blei bad um don ka jingtiengburom ïa u.

SALM 81:8

To sngew, ko ki briew jong nga, ïa ka jingmaham jong nga; ko Israel, katno nga kwah ïa phi ba phin sngap ïa nga!

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

EKSODOS 1:17

Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

EKSODOS 18:21

Hynrei nalor kata, phi dei ban jied katto katne ngut ki rangbah kiba tbit, bad thung ïa ki kum ki nongïalam jong u paidbah: ki nongïalam ïa ki hajar, ïa ki spah, ïa ki sanphew, bad ïa ki phew. Ki dei ban long ki briew kiba sheptieng ïa U Blei, kiba lah ban shaniah, bad kiba ym lah ban pynbam sap.

EKSODOS 20:7

“Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

EKSODOS 22:20

“Rai pynïap ïa uba kñia ainguh ha uno uno u blei, lait tang ha nga U Trai.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 27:10

Ki da shukor ïa phi bad kin pynlong ïa phi ban shah rah sha jngai na ka ri jong phi. Ngan beh noh shabar ïa phi, bad ïa phi yn pynjot noh.

JEREMAÏAH 27:9

Wat shahshkor ïa ki nongïathuhlypa jong phi lane ïa uno uno uba kam ba u lah ban ïathuh lypa ïa la lawei, la ka long da ki jingphohsniew lane da kaba khot ïa ki mynsiem jong kiba ïap lane da ka myntor. Ma ki baroh kim ong ïa phi ban pyndem ha u syiem jong ka Babilonia.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 42:5

Nangta ki la ong ïa nga, “To ai ba U Trai un long u sakhi bashisha bad bahok pyrshah ïa ngi lada ngim kohnguh ïa ki hukum baroh kiba U Trai U Blei jong ngi u ai ha phi na ka bynta jong ngi.

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

LEBITIKOS 19:13

“Wat shim kabu ïano ïano lane ban lute ïa u. Wat pynsah ïa ka bainong jong uno uno u briew uba phi la khot bylla, wat tang shi miet ruh.

LEBITIKOS 20:10

“Lada u briew u klim bad ka tnga jong u para Israel, ma u bad kata ka kynthei kin shah pynïap.

LEBITIKOS 20:27

“Uno uno u briew lane ka briew kiba leh byrtong kin shah lynthem maw haduh ba kin da ïap; uno uno u briew uba leh ïa kane u pan kwah hi ïa ka jingïap.”

LEBITIKOS 20:6

“Lada uno uno u leit pan jingmut na ki briew kiba wad jingtip na ki mynsiem jong ki briew kiba la ïap, ngan phai pyrshah ïa u bad ngan ym ñiew shuh ïa u kum uwei na ki briew jong nga.

MIKAH 1:2

To sngew ïa kane, phi ki jaitbynriew baroh; to sngap ïa kane, ko phi kiba im ha ka pyrthei! U Trai Nongsynshar un sakhi pyrshah ïa phi. To shahshkor! U kren na ka templ ba kynja bneng.

HABAKKUK 1:12

A Trai, naduh kaba nyngkong eh me long U Blei. Me long U Blei jong nga, uba khuid bad uba bymjukut. A Trai, U Blei jong nga bad u nongïada, me la jied ïa ki nong Babilonia bad pynlong ïa ki, kiba khlaiñ khnang ba kin lah ban pynshitom ïa ngi.

SEKHARAÏAH 11:12

Nga la ong ha ki, “Lada phi mon, to ai ïa ka bainong jong nga. Hynrei lada kam long kumta, to bat noh ïa ka.” Kumta ki la siew ïa nga laiphew tylli ki sbai rupa kum ka bainong jong nga.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 2:14

Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

LOUKAS 23:40

Uta uwei pat, pynban, u la kynhied ïa uta, da kaba ong “Hato mem tieng ïa U Blei? Me la ïoh kajuh ka jingpynrem kumba u la ïoh.

Ka Shithi U Paul Sha Ki Nong Rom 3:8

Balei yn ym ong te, “To ngin leh ïa kaba sniew khnang ba kaba bha kan mih?” Katto katne ngut ki briew, shisha, ki pynjahburom ïa nga da kaba pharep ïa nga da kaba ong ïa kane kaei kaei hi! Kin shah pynrem, kumba ki dei ban shah.

DEUTERONOMI 15:13

Haba phi pyllait ïa ki, wat phah noh thylli ïa ki.

DEUTERONOMI 18:10

Wat kñia ïa la ki khun da kaba thang ïa ki ha ka duwan jong phi; wat shah ïa la ki briew ban khan, lane ban shat ban kheiñ, lane ban ai myntor,

DEUTERONOMI 24:17

“Wat pynduh ïa ki hok jong ki nongwei lane ki khunswet, bad wat shim ïa ka jaiñkup jong ka riewkynthei kum ka bynda ïa kano kano ka ram.

DEUTERONOMI 27:19

“ ‘Ka jingtim U Blei kan hap ha uta u briew uba pynduh ïa ki hok jong ki nongwei, ki khunswet, bad ki riewkynthei.’ “Bad u paidbah baroh un jubab lang, ‘Amen!’

DEUTERONOMI 5:11

“ ‘Wat pyndonkam thala ïa ka kyrteng jong nga, naba nga U Trai U Blei jong phi ngan pynshitom ïa uba pyndonkam thala ïa ka kyrteng jong nga.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

JAKOB 5:12

Nalor kine baroh, ko parabangeit jong nga, wat pyndonkam da ka jingsmai haba phi pynlong ka jingkular. Wat smai da ka bneng ne da ka khyndew ne da kaei kaei pat. Shu ong “Ho-oid” haba phi mut ho-oid, bad “Em” haba phi mut em, bad phin ym hap hapoh ka jingbishar U Blei.

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.