MALAKHI 3:3 - Khasi CL Bible (BSI)

³ Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

KA BAIBL

³ bad un shong kum u nongpynphrang bad u nongpynkhuid rupa, bad un pynkhuid ïa ki khun u Lebi, bad un pynphrang ïa ki, kum ïa ka ksiar bad ka rupa; te kin ainguh ha U Trai ïa ki jingainguh ha ka hok.

MALAKHI 3:3 ပူးပေါင်းရင်းမြစ်များ

SALM 116:17

Ngan ai ha me ka jingkñia ainguh bad ai ka jingduwai sha me.

SALM 4:5

Ai ki jingkñia kiba dei ha U Trai, bad buh ïa ka jingshaniah jong phi ha U.

SALM 4:6

Don bun kiba duwai: “Ai ha ngi bun ki jingkyrkhu, A Trai. To khmih halor jong ngi da ka jingbhasbun!”

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

SALM 51:19

Te men ïoh ka jingsngewbha da ki jingkñia kiba dei bad da ki jingainguh thang jong ngi; bad ïa ki masi kyrtong yn kñia halor ka duwan jong me.

SALM 66:10

Me la buh ïa ngi ha ka jingtynjuh, A Blei; kumba ïa ka rupa la phrang da ka ding kumta me la tynjuh ïa ngi.

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

PROBERB 25:4

Weng noh ïa ki jingbymkhuid na ka rupa, bad u nong-ohdur un pynmih ïa kaei kaei kaba itynnat.

ISAÏAH 1:25

Ngan trei pyrshah ïa pha. Ngan pynkhuid ïa pha kumba pynkhuid ïa ka nar, bad ngan weng ïa ka jingbymkhuid jong pha baroh.

ISAÏAH 48:10

Nga la tynjuh ïa phi ha ka ding jong ka jingshah shitom, kum ka rupa ba saiñ ha ka lawar ding. Hynrei nga la shem ïa phi ba phi long ki bymdondor.

ISAÏAH 61:6

bad ïa phi yn khot ki lyngdoh U Trai, ki shakri jong U Blei jong ngi. Phin sa lehkmen ïa ka spah ki jaitbynriew, bad phin sa sngewsarong ba ka dei ki jong phi.

JEREMAÏAH 9:7

Namar kane U Trai Badonbor Baroh u ong, “Ngan phrang ïa ki briew jong nga kum ïa ka nar bad buh ïa ki ha ka jingtynjuh. Ki briew jong nga ki la leh ïa kaba sniew — sa kaei pat kaba nga lah ban leh bad ki?

ESEKIEL 20:38

Ngan shim noh napdeng jong phi ïa kito kiba ïeng ïaleh pyrshah bad kiba dap da ka pop. Ngan shim noh ïa ki na ki ri ha kaba ki shong ki sah mynta, hynrei ngan ym shah ïa ki ban wan phai pat sha ka ri Israel. Te phin tip ba nga long U Trai.”

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

JINGKHEIÑ 8:6

“Pynkyrpang ïa ki Lebi na kiwei pat ki briew ki Israel bad pynkhuid ïa ki

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

PHILIPPI 2:17

Lehse ïa ka snam jong ka jingim jong nga la dei ban theh noh kum ka jingainguh halor ka jingkñia kaba long ka jingngeit jong phi ba ai sha U Blei. Lada kata ka long kumta, nga shadkmen bad nga ïasam bynta lem ïa ka jingkmen jong nga bad phi baroh.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

2 TIMOTHI 4:6

Na ka bynta jong nga, ka por ka la poi ïa nga ban shah kñia; ka por ka long mynta ïa nga ban iehnoh ïa kane ka jingim.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 12:10

Ki kpa jong ngi ki sneng sympat ïa ngi tang shipor, katba ki sngewbit ma ki, hynrei U Blei u leh ïa kata na ka bynta ka jingbha jong ngi hi, khnang ba ngin ïoh bynta lang ha ka jingkhuid jong u.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 3:18

Te nga ai jingmut ïa pha ban thied ksiar na nga, ka ksiar banylla, khnang ba phan riewspah. Thied ruh ïa ki jaiñkup balieh ban kup ïa lade bad ban tap ïa ka jinglyngkhuit bakhlemrain jong pha. Thied ruh katto katne ka jingtah ban tah ha ki khmat jong pha, khnang ba pha lah ban ïohi.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”