MALAKHI 3:2 - Khasi CL Bible (BSI)

² Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

KA BAIBL

² “Hynrei, uei uba lah ban shah ïa ka sngi ka jingwan jong u? bad uei u ban ïeng haba u mihpaw? Naba u long kum ka ding u nongpynphrang, bad kum ka sabon ki nongsait jaiñ:

MALAKHI 3:2 ပူးပေါင်းရင်းမြစ်များ

JENESIS 19:28

U khmih shaphang Sodom bad Gomorrah, bad ïa kata ka them baroh kawei bad u la ïohi ïa ka tdem kaba mih na khyndew, kum ka tdem na ka lawar ding kaba heh bha.

Ka Kitab U Job 28:1

Ki don ki par ha kaba la tih ïa ka rupa; Ki don ki jaka ha kiba la saiñ ïa ka ksiar.

SALM 130:3

Lada me buh jingkheiñ ïa ki pop jong ngi, uei ban ïohlait na ka jingpynrem?

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

PROBERB 25:4

Weng noh ïa ki jingbymkhuid na ka rupa, bad u nong-ohdur un pynmih ïa kaei kaei kaba itynnat.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

JEREMAÏAH 2:22

Wat lada me la sait da ka sabon kaba khlaiñ, ngan dang ïai ïohi ïa ka jingkhah jaboh jong ka jingpalat jong me.

ESEKIEL 22:14

Hato phi pyrkhat ba phin dang don ka jingshlur kaba sah lane phin dang donbor kat ban rah ïa la ka kti ynda nga la pyndep bad phi? Ma nga, U Trai, nga la kren, bad nga bat ïa la ka ktien.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MATHAÏOS 25:10

Kumta ki theisotti kiba bieit ki la ïaleit ban thied khyndiat ka umphniang; bad katba ki dang leit, la wan poi u nongleitkurim. Ki san ngut kiba la pynkhreh ki la ïaleit shapoh lem bad u sha ka jingkhawai shongkurim, bad ïa ka jingkhang la khang.

MARKOS 9:3

bad ki jaiñ jong u ki la kylla phyrnai lieh — kham lieh ban ïa kaba uno uno ha ka pyrthei u lah ban sait ïa ki.

LOUKAS 2:34

U Simeon u la kyrkhu ïa ki bad u la ong ha ka Mari, ka kmie jong u, “Ïa une u khunlung la jied da U Blei na ka bynta ka jingpynjot bad ka jingpynim ïa kiba bun ha Israel. Un long ka dak na U Blei ïa kaba kiba bun ki briew kin kren pyrshah bad kumta un pynpaw ïa ki jingpyrkhat barieh jong ki.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

LOUKAS 3:17

U don bad u ka byrsha pynher stait, ban shoh ïa u kew baroh bad ban lumlang ïa u kew shapoh ka thiar jong u; hynrei un thang ïa u stait ha ka ding ka bym ju lip.”

LOUKAS 3:9

U sdie u la khreh ban khet ïa ki dieng na ki thied; ïa uno uno u dieng baroh u bym sei u soh babha yn khet noh bad bret ha ka ding.”

LOUKAS 7:23

Katno kiba suk ki long kito ki bym don jingartatien shaphang jong nga!”

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”