MALAKHI 3:18 - Khasi CL Bible (BSI)

¹⁸ Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

KA BAIBL

¹⁸ Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”

MALAKHI 3:18 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

Ka Kitab U Job 17:10

Hynrei lada baroh kin wan bad ïeng ha khmat jong nga, ngan ym shem wat tang uwei ruh na ki ba u long uba stad.

Ka Kitab U Job 6:29

Phi la leit jngai palat. Sangeh na kaba long bymhok. Wat pynrem ïa nga. Ngam shym bakla.

EKSODOS 11:7

Hynrei wat u ksew ruh un ym wiar ïa ki Israel lane ïa ki jingri jingdup jong ki. Te men tip ba nga U Trai nga pynïapher hapdeng ki nong Ijipt bad ki Israel.’ ”

JEREMAÏAH 12:15

Hynrei hadien ba nga la shim noh ïa ki, ngan don jingisynei halor jong ki; ngan wallam pat ïa kawei pa kawei ka jaitbynriew sha ka ri jong ka bad sha ka shnong jong ka.

DANIEL 2:18

U la ong ïa ki ban duwai ha U Blei ka bneng na ka bynta ka jingisynei bad ban kyrpad ïa u ban batai ïa ka jingmaïan ha ki khnang ba kin ym shah pynïap lem bad kiwei pat ki nongai jingmut ha Babilon.

JOEL 2:14

Lehse U Trai U Blei jong phi un kylla ka jingmut bad un kyrkhu ïa phi da ki jingthung bakyrhai. Te phin lah ban ainguh ha u da u kew bad ka waiñ.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

MALAKHI 1:4

Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

KI KAM 16:17

Ka la bud ïa u Paul bad ïa ngi, ka da pyrta, “Kine ki briew ki long ki shakri U Blei Bahakhlieh Tam Eh! Ki pynbna ha phi kumno ba yn pynim ïa phi!”

KI KAM 27:23

Namar mynhynne ka miet u angel jong U Blei ha uba nga long bad ïa uba nga mane u la wan sha nga bad u la ong,

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”