MALAKHI 3:17 - Khasi CL Bible (BSI)

¹⁷ “Kin long ki briew jong nga,” ong U Trai Badonbor Baroh. “Ha ka sngi ba ngan trei ïa ka kam, kin long ki jong nga hi. Ngan leh-isynei ïa ki kumba u kpa u leh-isynei ïa u khun uba shakri ïa u.

KA BAIBL

¹⁷ “Bad kin long ki jong nga,” ong U Trai ki paid, “ha kata ka sngi, ha kaba nga pynlong ïa ka jingkynshew la ka jong hi; bad ngan isynei ïa ki, kumba isynei u briew ïa la u khun uba shakri ïa u.

MALAKHI 3:17 ပူးပေါင်းရင်းမြစ်များ

NEHEMAÏAH 13:22

Nga la hukum ïa ki Lebi ban pynkhuid ïa lade bad ban leit bad pahara ïa ki khyrdop ban pynthikna ba ïa ka sngi Sabbaton la sumar khuid ïa ka. Kynmaw ïa nga, A Blei, na ka bynta kane ruh, bad tyngkai ïa nga namar ka jingieit bakhraw jong me.

SALM 115:13

Un kyrkhu ïa uwei pa uwei uba pyndonburom ïa u, kiba khraw bad kiba rit kumjuh.

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 32:32

To map ïa ka pop jong ki; hynrei lada men ym map, nga kyrpad ba men weng noh ïa ka kyrteng jong nga na kata ka kitab ha kaba me la thoh ïa ki kyrteng jong u paidlang jong me.”

JINGRWAI SOLOMON 2:16

Uba ieit jong nga u dei u jong nga hi, bad nga dei ka jong u. U bsa ïa la ka kynhun langbrot hapdeng ki 'tiew lili

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

SEPHANAÏAH 2:2

ha shuwa ba yn beh noh ïa pha kum ïa u stait ba la beh noh da ka lyer, ha shuwa ba ka jingbitar shla jong U Trai ka wan halor jong pha, ha shuwa ka sngi ha kaba u pyn-i ïa ka jingbitar shla jong u.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 4:3

Ha ka sngi haba ngan leh ïa ka kam, phin jop thiaw ïa ki bymman, bad kin long kum u pui pui hapoh ki kjat jong phi.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

1 KORINTH 15:23

Hynrei ïa uwei pa uwei yn pynmihpat kat kum ka jingbuh ryntih: Ïa U Khrist nyngkong eh na baroh; nangta ha ka jingwan jong u, sa ïa kito kiba dei ki jong u.

1 KORINTH 6:20

Phim long la u jong hi hynrei jong U Blei; u la thied ïa phi da ka dor. Kumta to pyndonkam ïa ki met jong phi na ka bynta ka burom jong U Blei.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.