MALAKHI 3:16 - Khasi CL Bible (BSI)

¹⁶ Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

KA BAIBL

¹⁶ Ynda kumta, kita kiba la sheptieng ïa U Trai ki la ïakren paralok: bad U Trai u la shahshkor, bad u la ïohsngew, bad la thoh ïa Ka Kitab Ka Jingkynmaw ha khmat jong u, ïa kita kiba la sheptieng ïa U Trai, bad kiba la pyrkhat ïa ka kyrteng jong u.

MALAKHI 3:16 ပူးပေါင်းရင်းမြစ်များ

JENESIS 22:12

“Wat pynmynsaw ïa u khynnah lane leh ei ei ïa u,” u ong. “Mynta, nga tip ba me sheptieng bad kohnguh ïa U Blei, namar mem shym la tyngkai ïa la u khun marwei na u.”

2 SAMUEL 7:1

U Syiem Dabid u la sah ha la ka ïingsyiem, bad U Trai u la sumar ïa u na ki nongshun jong u baroh.

1 SYIEM 18:12

Kumno kan long lada U Mynsiem jong U Trai u rah noh ïa phi sha ka jaka bymtip tang mar ïamih ma nga? Nangta, haba ngan ïathuh ïa u Ahab ba phi don hangne, bad um lah ban shem ïa phi, un sa pynïap ïa nga. To kynmaw ba nga long uba mane hok ïa U Trai naduh ba nga dang khynnah.

1 SYIEM 18:3

kumta u Ahab u la khot ïa u Obadaïah, uba peit halor ki kam ha ïingsyiem. (U Obadaïah u long uba mane hok ïa U Trai,

2 KHRONIKL 6:7

Bad u Solomon u la ong shuh shuh, “U Dabid u kpa jong nga u la buh jingmut ban tei ïa ka Templ ban mane ïa U Trai, U Blei ki Israel,

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

ESTHER 2:23

Ka la don ka jingtohkit, bad la shem ba ka jingïathuh ka long kaba dei, kumta ïa baroh ar ngut ki briew la sdien phasi. U syiem u la hukum ba ïa kane ka jingjia dei ban thoh ha ki jingbuh jingthoh jong ka hima.

ESTHER 6:1

Ha kajuh ka miet u syiem um ïohthiah satia, kumta u hukum ban wanrah ïa ki jingbuh jingthoh jong ka hima bad ban pule ha u.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 104:33

Ngan rwai ha U Trai baroh shi lynter ka jingim jong nga; katba nga dang im ngan rwai ki jingïaroh ïa U Blei jong nga.

SALM 111:10

Ka lynti ban long uba stad ka long ban pyndonburom ïa U Trai; u ai ka jingbishar kaba beit ïa baroh kiba kohnguh ïa ki hukum jong u. U long uba dei ban ïaroh junom.

SALM 115:13

Un kyrkhu ïa uwei pa uwei uba pyndonburom ïa u, kiba khraw bad kiba rit kumjuh.

SALM 119:63

Nga long u paralok jong kito baroh kiba shakri ïa me, jong baroh kiba kohnguh ïa ki aiñ jong me.

SALM 139:4

Wat ha shuwa ba ngan kren, me la tip lypa kaei ba ngan ong.

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

SALM 16:3

Katno kiba bha palat ki long ki briew kiba ïaineh ha U Trai! ka jingsngewbha kaba khraw tam jong nga ka long ban ïadon bad ki.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 56:8

Me tip katno uba jynjar nga long; me la buh jingkheiñ ïa ki ummat jong nga. Hato ym shym la kyntiew ïa ki ha ka kitab jong me?

SALM 56:9

Ha ka sngi kaba nga khot kyrpad ïa me, ki nongshun jong nga kin phai pat. Nga tip ïa kane: U Blei u don ha ka liang jong nga —

SALM 66:16

To wan bad to shahshkor, phi baroh kiba pyndonburom ïa U Blei, bad ngan ïathuh ïa phi ïa kaei kaba u la leh namar jong nga.

SALM 94:19

Haba nga lyng-a bad khuslai, me pyntngen bad pynkmen ïa nga.

EKSODOS 32:32

To map ïa ka pop jong ki; hynrei lada men ym map, nga kyrpad ba men weng noh ïa ka kyrteng jong nga na kata ka kitab ha kaba me la thoh ïa ki kyrteng jong u paidlang jong me.”

PROBERB 13:20

Ïalang paralok bad uba stad bad phin kylla stad. Lada phi ïalang paralok bad ki briew kiba bieit, phin long kiba bieit.

ISAÏAH 26:3

Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

ISAÏAH 26:8

Ngi bud ïa ka mon jong me bad ngi buh ka jingkyrmen jong ngi ha me; me long tang ma me uba ngi kwah.

ISAÏAH 4:3

Uwei pa uwei uba shah iehnoh ha Jerusalem, uba U Blei u la jied ban ïohlait im, yn khot uba khuid.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 65:6

“Nga la kut jingmut lypa ban pynshitom ïa ki, bad ïa ka jingpynshitom ïa ki la dep buh jingthoh. Ngan ym leh bym ïohi ïa kaei kaba ki la leh, hynrei ngan siew kylliang ïa ki

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 7:10

bad ïa ka wahduid da ka ding la theh noh na ka. La don bun hajar ngut ki briew hangta kiba shakri ïa u, bad da ki million ngut ki briew ki la ïeng ha khmat jong u. Ka ïingbishar ka la sdang ïa ka jingïalang jong ka, bad ïa ki kitab la plied.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

LOUKAS 2:38

Ha kata ka kynta hi, ka la wan poi bad ka la ainguh ïa U Blei bad ka la kren shaphang u khunlung ha baroh kiba ap ïa U Blei ban pyllaitluid ïa ka Jerusalem.

KI KAM 1:13

Ki la rung sha ka nongbah bad ki la leit sha ka kamra ha kaba ki la sah: U Petros, u Ïoannis, u Jakob bad u Andriw, u Philip bad u Thomas, u Bartholomai bad u Matthaïos, u Jakob u khun jong u Alphaïos, u Simon u Riew-ieit Ri, bad u Judas u khun jong u Jakob.

KI KAM 10:2

U la long u briew uba riewblei; ma u lem bad ka longïing jong u baroh kawei ki la mane ïa U Blei. U la leh ruh shibun ban ïarap ïa ki Jiw kiba duk bad u ïai duwai ha U Blei.

KI KAM 2:1

Haba ka sngi Pentekost ka la poi, baroh ki riewngeit ki la ïalumlang ha kawei ka jaka.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

EPHESOS 5:19

To ïakren iwei ïa iwei pat da ki ktien ha ki salm, ki jingrwai ïaroh bad ki jingrwai ba kynja mynsiem; da kaba rwai ki jingrwai ïaroh bad ki salm sha U Trai da ki jingïaroh ha ki dohnud jong phi.

1 THESSALONI 5:11

Bad kumta to pyntngen iwei ïa iwei pat bad to ïarap iwei ïa iwei pat, kumba phi leh mynta.

1 THESSALONI 5:14

Ngi kyntu ïa phi, ko parabangeit jong ngi, ban maham ïa kiba jaipdeh, ban pynshlur ïa kiba khawpud, ban ïarap ïa kiba tlot, ban ïaishah ïa baroh.

HEBRU 10:24

To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha.

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.