MALAKHI 3:13 - Khasi CL Bible (BSI)

¹³ “Phi la ong ïa kiei kiei kiba shyrkhei shaphang jong nga,” ong U Trai. “Hynrei phi kylli, ‘Kaei ba ngi la ong shaphang jong me?’

KA BAIBL

¹³ “Ki ktien jong phi ki la eh than pyrshah ïa nga,” ong U Trai. “Pynban, phi ong, ‘Ngi la kren aïu pyrshah ïa me?’

MALAKHI 3:13 ပူးပေါင်းရင်းမြစ်များ

Ka Kitab U Job 15:13

Me leh bitar ïa U Blei bad me kyntait ïa u.

Ka Kitab U Job 40:8

Hato me pyrshang ban pynshisha ba nga long u bymhok — ban buh ïa nga ha ka bymdei bad ïa lade ha kaba dei?

SALM 10:11

U riewbymman u ong ha lade, “U Blei um sngew ei ei! u la khapbrip ïa la ki khmat bad un ym ïohi ïa nga da lei lei!”

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

ISAÏAH 46:12

“To shahshkor ïa nga, phi ki briew ba-mutlop kiba pyrkhat ba ka jingjop ka dang sha jngai bah.

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

JEREMAÏAH 44:18

Hynrei naduh ba ngi sangeh ban ai jingkñia ha ka Syiem jong ka Bneng bad ngi sangeh ban theh ïa ki jingainguh waiñ ha ka, ngim shym don ei ei shuh, bad ki briew jong ngi ki ïap ha ka thma bad na ka jingïapthngan.”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

ESEKIEL 18:25

“Hynrei phi ong, ‘Kaei kaba U Trai u leh kam long kaba dei.’ To shahshkor ïa nga, phi ki Israel. Hato phi pyrkhat ba ki lynti jong nga kiba nga leh ïa kiei kiei kim long kiba dei? Ka dei ka lynti jong phi ka bym long kaba dei.

ESEKIEL 35:13

Nga la ïohsngew ïa ki rukom kren kob-pia jong me ba me la kren pyrshah ïa nga.”

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

MALAKHI 2:14

Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

MALAKHI 3:12

Te ki briew jong ki hima baroh kin khot ïa phi kiba suk, namar ka ri jong phi kan long ka jaka kaba bha ban shong ban sah.

MALAKHI 3:14

Phi la ong, ‘Kam myntoi ban shakri ïa U Blei. Kaei ka jingmyntoi ban leh ïa kaei kaba u ong lane kaba pyrshang ban pyn-i ïa U Trai Badonbor Baroh ba ngi sngewsih na ka bynta kaei kaba ngi la leh?

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.