MALAKHI 3:11 - Khasi CL Bible (BSI)

¹¹ Ngan ym shah ïa ki khñiang ban pynjot ïa ki jingthung jingtep jong phi, bad ki dieng sohwaiñ jong phi kin dap da ki sohwaiñ.

KA BAIBL

¹¹ Bad ngan sneng ïa u nongbam duh na ka bynta jong phi, te un ym ïoh pynsniew ïa ki soh ka khyndew jong phi; lymne u dieng Waiñ jong phi ha lyngkha un ym pynhap ïa la u soh ha bym pat biang ka aïom,” ong U Trai ki paid.

MALAKHI 3:11 ပူးပေါင်းရင်းမြစ်များ

JEREMAÏAH 8:13

“Nga la kwah ban lumlang ïa ki briew jong nga, kumba u briew u lumlang ïa ka jingot jong u; hynrei ki long kum u dieng sohwaiñ khlem ki sohwaiñ, kum u diengsoh Dumbur khlem ki soh Dumbur; wat ki sla ki la jlop. Namar kata, nga la shah ïa kiba nabar ban shim noh ïa ka ri.”

HOSIA 2:21

Ha kata ka por ngan jubab ïa ki jingduwai ki briew jong nga ki Israel. Ngan phah ïa u slap ba un hap ha ka khyndew

JOEL 1:12

Ki dieng sohwaiñ bad ki dieng Dumbur ki la ïapstai; baroh ki diengsoh ki la tyrkhong bad ki la ïap. Ka jingkmen jong ki briew ka la duh noh.

JOEL 1:4

Ki kynhun jong ki puit, kawei hadien kawei ki la hiar halor ki jingthung; kaei kaba kawei ka kynhun ka la iehnoh, kawei pat ka kynhun ka bam duh.

JOEL 1:7

Ki la pynjot ïa ki brisoh jong ngi bad ki la ktha lut ïa ki dieng Dumbur jong ngi. Ki la bam lut ïa ki snep dieng, haduh bad ki tnat ki la kylla lieh.

JOEL 2:20

Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

JOEL 2:22

Ko ki mrad, wat sheptieng. Ki jaka phlang ki long kiba jyrngam; ki dieng ki sei ïa la ki soh, bad don kyrhai ki soh Dumbur bad sohwaiñ.

JOEL 2:25

Ngan ai pat ha phi ïa kaei kaba phi la duh noh ha ki snem mynba ki kynhun jong ki puit ki la bam ïa ki jingthung jong phi. Dei ma nga uba la phah ïa kane ka kynhun pyrshah ïa phi.

AMOS 4:9

“Nga la phah ïa ka lyer khluit ban pyntyrkhong ïa ki jingthung jong phi. Ki puit ki la bam duh ïa baroh ki kper bad bri sohwaiñ jong phi, ki dieng Dumbur bad ki dieng Olib jong phi. Katta ruh phim shym la wan phai pat sha nga.

HABAKKUK 3:17

Wat la ki dieng Dumbur kim don soh bad ym don sohwaiñ ba mih ha ki dieng sohwaiñ, wat la u dieng Olib um sei ei ei bad ki lyngkha kim pynmih kew, wat la ki langbrot baroh ki ïap bad ki sem masi ki thylli,

HAGGAI 1:11

Nga la wallam ïa ka jingtyrkhong ha ka ri — ha ki lumrit jong ka, ha ki lyngkha kew jong ka, ki bri sohwaiñ, ki brisoh Olib — ha baroh ki jingthung kiba ka khyndew ka pynmih, ha ki briew bad ki mrad, ha baroh kiba phi pyrshang ban pynmih.”

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

DEUTERONOMI 11:14

Lada phi leh kumta, un sa pynhap slap ha ka khyndew jong phi ha ka aïom kaba biang, ha ka por synrai bad ha ka por pyrem, khnang ba phin ïohlum ïa u kew, ïa ka waiñ, bad ïa ka umphniang Olib na ka bynta jong phi hi, bad ïa u phlang na ka bynta ki jingri jong phi.