MALAKHI 3:10 - Khasi CL Bible (BSI)

¹⁰ Wallam ïa ka jingmih baroh jong kawei-na-kaba-shiphew sha ka Templ, khnang ba yn don ka bam kyrhai hangta. To tynjuh ïa nga bad phin sa ïohi ba ngan plie ïa ki jingkhangïit jong ka bneng bad theh noh ha phi kyrhai ïa kiei kiei kiba bha baroh.

KA BAIBL

¹⁰ Wallam ïa kaba shiphew baroh sha ka ïing jingkynshew, khnang ban long ka jingbam ha ka ïing jong nga, bad to tynjuh ïa nga te ha kane,” ong U Trai ki paid, “la ngan plie ne em ïa ki jingkhang jong ka bneng ha phi, bad theh noh buk ha phi ïa ka jingkyrkhu, kat ban ym ngiam jaka shuh.

MALAKHI 3:10 ပူးပေါင်းရင်းမြစ်များ

JENESIS 28:22

Une u maw buh jingkynmaw ïa uba nga la thung un long ka jaka ha kaba ïa me yn mane, bad ngan ai sha me ïa kaba shiphew na kiei kiei baroh kiba me ai ïa nga.”

JENESIS 7:11

Haba u Noah u la don hynriewspah snem, ha ka sngi kaba khathynñiew jong u bnai uba ar, ki umpohliew kiba kyrsoi na ki um kiba jylliew hapoh khyndew ki bthei kynsan, bad ïa ki khyrdop um jong ka bneng la plie wang,

2 SYIEM 7:19

ha kaba u rangbah pynïaidkam u la jubab, “Kata kam lah ban jia — em wat lada U Trai da lade hi un phah shisien phah ïa u kew!” Bad u Elisha u la jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

2 SYIEM 7:2

U nongbud ba-hajan jong u syiem u la ong ha u Elisha, “Kata kam lah ban jia — em wat lada U Trai da lade hi un phah shisien phah ïa u kew!” U Elisha u jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

1 KHRONIKL 26:20

Kiwei pat ki para Lebi jong ki, ki peit ïa ka ïing jingkynshew jong ka Templ bad ki kamra buh tiar na ka bynta ki jingai sngewbha kiba la pynkyntang sha U Blei.

NEHEMAÏAH 12:44

Ha kata ka por, la buh ïa ki rangbah ban khmih ïa ki kamra buh tiar ha kiba ïa ki jingai sngewbha na ka bynta ka Templ la buh, kynthup ïa kiba shiphew bad ïa u kew banyngkong bad u soh uba ih nyngkong man ka snem. Kine ki rangbah ki kitkhlieh na ka bynta ka jinglum na ki kper hajan ki nongbah ba bun, ïa ki jingai sngewbha na ka bynta ki lyngdoh bad ki Lebi, kiba ka Hukum ka dawa. Baroh ki briew ka Judah ki la sngewkmen ïa ki lyngdoh bad ki Lebi,

NEHEMAÏAH 12:47

Ha ka por u Serubbabel bad ha ka por u Nehemaïah ruh, baroh ki Israel ki ai ki jingai sngewbha man ka sngi na ka bynta ka jingkyrshan ïa ki nongtem nongput ka Templ bad ki nongap phira ka Templ. Ki briew ki ai ki jingai bakyntang sha ki Lebi, bad ki Lebi ki ai ka bynta badonkam sha ki lyngdoh.

NEHEMAÏAH 13:5

U shah ïa u Tobiah ban pyndonkam ïa ka kamra kaba heh ïa kaba la thmu tang ban buh ïa u kew jingkñia bad ka jingiwbih, ki tiar ki tar ba pyndonkam ha ka Templ, ki jingainguh na ka bynta ki lyngdoh, bad kiba shiphew na u kew, ka waiñ, bad ka umphniang Olib ba ai sha ki Lebi, ki nongtem nongput ka Templ, bad ki nongap phira ka Templ.

SALM 37:3

Shaniah ha U Trai bad leh ïa kaba bha; shong ha ka ri, bad shongshngain.

SALM 78:23

Hynrei u la kren ïa ka sahit bneng shajrong bad u la hukum ïa ki jingkhang jong ka ban plie;

EKLESIASTIS 11:3

Kam pher sha kano ka liang u dieng u khyllem, un don ha ka jaka kaba u la kyllon. Haba ki lyoh ki dap, ka slap.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

ESEKIEL 44:30

Ki lyngdoh kin ïoh ïa kaba bha tam na ki soh nyngkong jong ka jingot bad na baroh kiei kiei kiwei ïa kiba la ainguh ha nga. Man ka por ba ki briew ki shet kpu, kin ai sha ki lyngdoh ïa u kpu banyngkong kum ka jingainguh, bad ki jingkyrkhu jong nga kin neh ha ki ïing ki sem jong ki.

HOSIA 2:21

Ha kata ka por ngan jubab ïa ki jingduwai ki briew jong nga ki Israel. Ngan phah ïa u slap ba un hap ha ka khyndew

JOEL 2:19

U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

JOEL 2:24

Ki jaka pynkhuid kew kin dap da u kew; ki thliew harud ki jaka pynmih umsoh bad umphniang kin shlei da ka waiñ bad ka umphniang Olib.

LEBITIKOS 26:10

Ki jingmih ba phi lum kin long kiba bun, bad kin biang na ka bynta shisnem; wat la katta ruh, phin hap bret noh ïa kaba dang sah na ka jinglum kaba rim ban pyllait jaka ïa ka jinglum kaba thymmai.

LEBITIKOS 26:3

“Lada phi im kat kum ki aiñ jong nga, bad kohnguh ïa ki hukum jong nga,

LEBITIKOS 27:30

Kawei na ka shiphew na ka jingmih baroh na ka khyndew, la ka dei u kew ne u soh, ka long ka jong U Trai.

HAGGAI 2:19

Wat la ym don kew ba dang sah, bad ki dieng sohwaiñ, ki diengsoh Dumbur, ki diengsoh Pomkranet, bad ki diengsoh Olib kim pat shym pynmih soh, pynban naduh mynta ngan kyrkhu ïa phi.”

JINGKHEIÑ 18:21

U Trai u ong, “Nga la ai ha ki Lebi ïa ka bynta kaba shiphew baroh ba ki Israel ki wanrah sha nga. Kane ka long ka jingsiew ïa ka jingshakri jong ki ha kaba sumar ïa ka Ïingjaiñ ka Jingdon Ryngkat jong nga.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.

DEUTERONOMI 14:22

“Buh kyrpang ïa kaba shiphew na ki jingmih ki lyngkha jong phi baroh man ka snem.

DEUTERONOMI 14:29

Kane ka jingbam ka long na ka bynta ki Lebi, namar kim don bri don khyndew, bad na ka bynta ki nongwei, ki khunswet, bad ki riewkynthei kiba shong ha ki shnong jong phi. Kin ïawan bad kin ïoh kat ïa kaba ki donkam. Leh kumta, bad U Trai U Blei jong phi un kyrkhu ïa phi ha ki kam jong phi baroh.

DEUTERONOMI 28:12

Un pynhap ïa u slap ha la ka aïom na ka ïing kynshew jong u ha bneng bad un kyrkhu ïa ka jingtrei jong phi baroh, ba phin ïoh ai kylliang ha kiba bun ki jaitbynriew, katba ma phi pat phin ym hap shim kylliang nano nano.