MALAKHI 3:1 - Khasi CL Bible (BSI)

¹ U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

KA BAIBL

¹ “Ha khmih, nga phah ïa la u nonglam-ktien, bad un khreh ïa ka lynti ha shuwa jong nga: bad U Trai, uba phi ïawad, un wan kyndit sha la ka ïing: bad uta u angel ka jutang, ha uba phi ïasngewbha, ha khmih, u wan,” ong U Trai ki paid.

MALAKHI 3:1 ပူးပေါင်းရင်းမြစ်များ

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

EKSODOS 23:20

“Ngan phah ïa u angel ha shuwa jong phi ban ïada ïa phi haba phi leit jingleit bad ban ïalam ïa phi sha kata ka jaka kaba nga la pynkhreh.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

ISAÏAH 40:10

U Trai Nongsynshar u wan ban synshar da ka bor, u da wallam bad u ki briew ba u la pyllait im.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

HAGGAI 1:13

Nangta u Haggai u la ai ïa ka khubor jong U Trai ha u paidbah: “Ngan long ryngkat bad phi — kata ka long ka jingkular jong nga.”

MALAKHI 2:4

Nangta phin ïoh tip ba nga la ai ha phi ïa kane ka hukum, khnang ba ka jutang jong nga bad ki lyngdoh, ki khun ki ksiew u Lebi, kan ym dkut noh.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 11:14

bad lada phi mon ban ngeit ïa ka khubor jong ki, u Ïoannis u long u Elijah, uba ïa ka jingwan jong u la ïathuhlypa.

LOUKAS 1:76

“Ïa me, ko khun jong nga, yn khot u nongïathuhlypa jong U Blei Bahakhlieh Tam Eh. Men leit ha shuwa jong U Trai ban pynkhreh ka lynti na ka bynta jong u,

LOUKAS 19:47

Man ka sngi, U Jisu u la hikai ha ka Templ. Ki rangbah lyngdoh, ki nonghikai ka Hukum, bad ki nongïalam jong ki paidbah ki la kwah ban pynïap ïa u,

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 2:38

Ha kata ka kynta hi, ka la wan poi bad ka la ainguh ïa U Blei bad ka la kren shaphang u khunlung ha baroh kiba ap ïa U Blei ban pyllaitluid ïa ka Jerusalem.

LOUKAS 2:46

Ha ka sngi kaba lai, ki la shem ïa u hapoh ka Templ, u da shong bad ki nonghikai jong ki Jiw, da kaba shahshkor ïa ki bad kylli jingkylli.

KI KAM 19:4

U Paul u la ong, “Ka jingpynbaptis u Ïoannis ka long na ka bynta kito kiba la phai noh na ki pop jong ki; bad u la ïathuh ha ki paid Israel ban ngeit ha uta u ban sa wan hadien jong u — kata, ha U Jisu.”

KI KAM 7:38

U long ma u, uba la ïadon lem bad ki paid Israel haba ki la ïalumlang ha ka ri shyiap; u la don lem hangta bad ki kpa tymmen jong ngi lem bad u angel uba la kren ha u, ha u lum Sinai, bad u la ïohpdiang ïa ka khubor ba-im ka jong U Blei ban ai pateng ha ngi.