MALAKHI 2:9 - Khasi CL Bible (BSI)

⁹ Te nga, da kaba phai pat, ngan pynlong ïa ki paid Israel ban ibeiñ ïa phi namar phim shym kohnguh ïa ka mon jong nga, bad haba phi hikai ïa ki briew jong nga, phim shym ñiew kumjuh ïa baroh.”

KA BAIBL

⁹ “Namar kata, nga ruh nga la pynlong ïa phi kiba beiñ bad kiba poh ha khmat u paidbah baroh, kat kumba phim shym sumar ïa ki lynti jong nga, hynrei, phi la shah shiliang ha ka hukum.”

MALAKHI 2:9 ပူးပေါင်းရင်းမြစ်များ

1 SYIEM 22:28

“Lada me wan phai da kaba suk,” u Mikaïah u pyrta, “te U Trai um shym la kren keiñ da nga!” bad u la bynrap, “Shahshkor, uwei pa uwei ïa kaei kaba nga la kren!”

Ka Kitab U Job 32:21

Ngan ym shah liang ha kane ka jingïatainia; ngan nym pynroh ïano ïano.

PROBERB 10:7

Ïa ki briew kiba bha yn ïai kynmaw kum ka jingkyrkhu; hynrei ïa ki riewbymman yn klet noh.

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

ESEKIEL 13:21

Ngan sloit ïa ki jaiñ teh khlieh jong phi bad ngan shah ïa ki briew jong nga ban lait shisyndon na ka bor jong phi. Te phin tip ba nga long U Trai.

ESEKIEL 7:26

Ka jingjynjar kan bud kawei hadien kawei pat, ka khubor basniew kan ïai tuid. Phin kyrpad ïa ki nongïathuhlypa ban ïathuh ïa kaei kaba ki ïohi lypa. Ki lyngdoh kin ym don ei ei shuh ban hikai ïa ki briew, bad ki tymmen ki san kin ym don jingsneng jingkraw shuh ban ai.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

NAHUM 3:6

Ngan leh ïa pha khlem ka jingñiewkor bad tap ïa pha da ka jakhlia. Ki briew kin khmih ïa pha ha ka jingsngew shyrkhei.

MALAKHI 2:3

Ngan pynshitom ïa ki khun jong phi bad kyllan ïa ki durkhmat jong phi ha ka jakhlia jong ki jingri kiba phi kñia — bad yn ïalam ïa phi sha ka kynton jakhlia.

MALAKHI 2:8

“Hynrei mynta ma phi ki lyngdoh phi la phai noh na ka lynti kaba dei. Ki jinghikai jong phi ki la ïalam ïa kiba bun ban leh ïa ka bym dei. Phi la pynkheiñ ïa ka jutang kaba nga la pynlong bad phi.

LOUKAS 10:29

Hynrei u nonghikai ka Hukum u la kwah ban pynksan ïa lade, kumta u la kylli ïa U Jisu, “Uei u paramarjan jong nga?”

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

GALATIA 2:6

Hynrei ïa kito kiba idei ban long ki nongïalam — nga ong ïa kane namar kam pher ei ei ïa nga la ki long kiba kumno kumno ruh; U Blei um bishar na ki durkhmat bashabar — kito ki nongïalam, nga ong, kim don ei ei ki jingai jingmut bathymmai na ka bynta jong nga.

DEUTERONOMI 1:17

Wat ïashah liang ha ki rai jong phi; bishar ïa uwei pa uwei ha kajuh ka nongrim, kam pher la u long uba kumno kumno. Wat sheptieng ïano ïano, naba ki rai kiba phi ai ki wan na U Blei. Lada kano kano ka kam ïakajia ka eh than ïa phi ban rai, wallam ïa ka sha nga, bad ngan rai ïa ka.’

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.