MALAKHI 2:8 - Khasi CL Bible (BSI)

⁸ “Hynrei mynta ma phi ki lyngdoh phi la phai noh na ka lynti kaba dei. Ki jinghikai jong phi ki la ïalam ïa kiba bun ban leh ïa ka bym dei. Phi la pynkheiñ ïa ka jutang kaba nga la pynlong bad phi.

KA BAIBL

⁸ Hynrei, phi la kynriah noh na ka lynti; phi la pynthut ïa ki bun shaphang ka hukum; phi la pynpyut ïa ka jutang u Lebi,” ong U Trai ki paid.

MALAKHI 2:8 ပူးပေါင်းရင်းမြစ်များ

2 SYIEM 16:11

Kumta u Uriah u thaw ïa ka duwan thik kum kata, bad u pyndep ïa ka shuwa ba u Ahas un wan phai.

NEHEMAÏAH 13:29

To kynmaw, A Blei, kumno kito ki briew ki la pyntngit ïa baroh ar, ka jinglong lyngdoh bad ka jutang kaba me la pynlong bad ki lyngdoh bad ki Lebi.

SALM 119:102

Ngam shym la leh lyndet ïa ki jingbthah jong me, namar ma me hi me long u nonghikai jong nga.

SALM 18:21

Nga la kohnguh ïa ka hukum jong U Trai; ngam shym la phai noh na U Blei jong nga.

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

ISAÏAH 30:11

Wat ïeng ha ka lynti jong ngi bad wat kah ïa ka lynti ïaid jong ngi. Ngim kwah ban ïohsngew shaphang U Blei Bakhuid jong phi ki Israel.”

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 17:5

U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

ESEKIEL 22:26

Ki lyngdoh ki pynkheiñ ïa ka aiñ jong nga bad kim burom ïa kaei kaba khuid. Kim pynïapher hapdeng kaei kaba khuid bad kaei ka bymkhuid. Kim hikai ïa ka jingïapher hapdeng kiba khuid bad kiba jakhlia, bad kim suidñiew ïa ka Sabbaton. Kaba mih ka long ba ki paid Israel kim ñiewkor ïa nga.

ESEKIEL 44:10

U Trai u la ong ha nga, “Ngan pynshitom ïa kito ki Lebi, ryngkat bad ïa kito kiba na ki paid Israel, kiba la iehnoh ïa nga bad mane ïa ki bleithaw.

ESEKIEL 44:12

Hynrei namar ba ki la leh ïa ka jingmane ïa ki bleithaw na ka bynta ki paid Israel bad ba ha kane ka rukom ki la ïalam ïa ki paidbah sha ka pop, ma nga, U Trai Nongsynshar, nga smai kyntang ba dei ban pynshitom ïa ki.

ESEKIEL 44:7

Ki la pyntngit ïa ka Templ jong nga da kaba shah ïa ki nongwei bym shym la otsher, ki briew ki bymkohnguh ïa nga ban rung sha ka Templ katba ïa ka khleiñ bad ka snam jong ki jingkñia la dang ainguh ha nga. Kumta ki briew jong nga ki la pynkheiñ ïa ka jutang jong nga da baroh kiei kiei kiba ijli kiba ki la leh.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

LEBITIKOS 21:15

ïoh u pyntngit ïa la ki khun hapdeng ki briew jong u. Nga long U Trai, uba pynkyntang ïa u.”

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 2:5

“Ha ka jutang jong nga, nga la kular ha ki, ïa ka jingim bad ka jingmanbha, bad kane ka long kaei kaba nga la ai ha ki, khnang ba kin lah ban burom ïa nga. Ha kito ki sngi ki la burom bad sheptieng ïa nga.

JINGKHEIÑ 25:12

Kumta ïathuh ha u ba ngan pynlong ka jutang bad u ka ban neh pateng la pateng.

JINGKHEIÑ 25:13

Ma u bad ki khun ki ksiew jong u kin bat ïa ka kam lyngdoh junom, namar ba um shym la shah ïa kiba ïakob bor bad nga bad ba u la wallam ka jingïohmap na ka bynta ka pop jong ki briew.”

Ka Shithi U Paul Sha Ki Nong Rom 14:21

Ka long kaba dei ban ym bam doh, dih waiñ, lane ban leh kano kano ka ban pynlong ïa la u parabangeit ban kyllon noh.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

1 SAMUEL 2:17

Kumta ka pop jong ki khun u Eli ka long kaba la shyrkhei palat ha khmat U Trai, namar ba ki la ñiew khlem ka jingburom ïa ki jingainguh ha U Trai.

1 SAMUEL 2:24

Sangeh noh ko khun jong nga! Kane ka long kaba sngewshyrkhei kaba ki briew jong U Trai ki ïakren shaphang jong phi.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.