MALAKHI 2:7 - Khasi CL Bible (BSI)

⁷ Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

KA BAIBL

⁷ Naba ki rmiang shyntur u lyngdoh ki dei ban sumar khop ïa ka jingtip, bad ki dei ban wad ïa ka hukum na ka shyntur jong u: naba u long u nonglam-ktien jong U Trai ki paid.

MALAKHI 2:7 ပူးပေါင်းရင်းမြစ်များ

2 SYIEM 16:11

Kumta u Uriah u thaw ïa ka duwan thik kum kata, bad u pyndep ïa ka shuwa ba u Ahas un wan phai.

2 SYIEM 16:16

U Uriah u leh kumba u syiem u la hukum.

2 KHRONIKL 30:22

U Hesekaïah u la ïaroh ïa ki Lebi na ka bynta ka jingtbit jong ki ha kaba pynïaid ïa ka jingmane ïa U Trai. Hadien ki hynñiew sngi ha kaba ki la ai ki jingkñia ban ïaroh ïa U Trai U Blei jong ki kpa tymmen jong ki,

2 KHRONIKL 31:4

Nalor kane ruh, u syiem u la ong ïa ki briew ka Jerusalem ban wallam ïa ki jingainguh kiba long ki bynta kiba dei jong ki lyngdoh bad ki Lebi, khnang ba ki lah ban ai ïa ka por jong ki baroh sha ki jingdawa jong ka Hukum jong U Trai.

ESRA 7:10

U Esra u la aiti ïa la ka jingim ha kaba pule ïa ka Hukum jong U Trai, ha kaba pyntreikam ïa ka, bad ha kaba hikai ïa baroh ki aiñ bad ki jingbuhbeit ryntih ha ki paid Israel.

ESRA 7:25

“Ma me, ko Esra, da kaba pyndonkam ïa ka jingstad kaba U Blei jong me u la ai ha me, men thung ki nongsynshar bad ki nongbishar ki ban synshar ïa ki briew baroh jong ka Ïuphratis Sepngi kiba im da ka Hukum jong U Blei jong me. Me dei ban hikai ïa kato ka Hukum ha uno uno u bymtip ïa ka.

PROBERB 5:2

Te phin sa nang kumno ban leh donakor, bad ki ktien jong phi kin pynpaw ba phi don ka jingtip.

EKLESIASTIS 5:5

Kham bha ban ym kular ei ei ban ïa kaba pynlong ka jingkular hynrei khlem bat ïa ka.

ISAÏAH 42:19

Hato don uno uno uba kham matlah ban ïa u shakri jong nga, uba kham kyllut ban ïa u nonglamktien ba nga phah?

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

JEREMAÏAH 15:19

Ïa kane U Trai u la jubab, “Lada me wan phai, ngan shim pat ïa me, bad men long biang u shakri jong nga. Lada ha ka jaka ban kren khlem jingmut me pynbna ïa ka khubor ba don jingmut, men long biang u nongïathuhlypa jong nga. Ki briew kin wan phai pat sha me, bad mem donkam ban leit sha ki.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

ESEKIEL 22:26

Ki lyngdoh ki pynkheiñ ïa ka aiñ jong nga bad kim burom ïa kaei kaba khuid. Kim pynïapher hapdeng kaei kaba khuid bad kaei ka bymkhuid. Kim hikai ïa ka jingïapher hapdeng kiba khuid bad kiba jakhlia, bad kim suidñiew ïa ka Sabbaton. Kaba mih ka long ba ki paid Israel kim ñiewkor ïa nga.

ESEKIEL 7:26

Ka jingjynjar kan bud kawei hadien kawei pat, ka khubor basniew kan ïai tuid. Phin kyrpad ïa ki nongïathuhlypa ban ïathuh ïa kaei kaba ki ïohi lypa. Ki lyngdoh kin ym don ei ei shuh ban hikai ïa ki briew, bad ki tymmen ki san kin ym don jingsneng jingkraw shuh ban ai.

DANIEL 11:33

Ki nongïalam bastad jong ki briew kin ïasam ïa ka jingstad jong ki bad kiwei pat ki briew babun. Hynrei shipor katto katne na ki kin shah pynïap ha ka thma lane shah thang ïap, bad katto katne kin shah lute bad shah pynlong koidi.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

LEBITIKOS 10:11

Me dei ban hikai ïa ki paid Israel ïa ki aiñ baroh kiba nga la ai ha me lyngba u Moses.”

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

HAGGAI 1:13

Nangta u Haggai u la ai ïa ka khubor jong U Trai ha u paidbah: “Ngan long ryngkat bad phi — kata ka long ka jingkular jong nga.”

SEKHARAÏAH 7:3

bad ban kylli ïa ki lyngdoh bad ki nongïathuhlypa ïa kane ka jingkylli: “Hato ngin nang bteng ban ïambriew namar ka jingpynjot ïa ka Templ, da kaba shahjingit ha u bnai uba san kumba ngi la ju leh la bun bun snem mynta?”

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

JINGKHEIÑ 27:21

Un hap shaniah ha u Eleasar u lyngdoh, ban wad ïa ka mon jong nga da kaba pyndonkam ïa u Urim bad u Thummim. Da kumne u Eleasar un kdew ïa u Joshua bad u paid Israel ha ki kam jong ki baroh.”

ÏOANNIS 13:20

Nga ïathuh ha phi ïa ka jingshisha, uno uno uba pdiang ïa uno uno uba nga phah, u pdiang ïa nga ruh; bad uno uno uba pdiang ïa nga, u pdiang ïa uta uba la phah ïa nga.”

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

KI KAM 16:17

Ka la bud ïa u Paul bad ïa ngi, ka da pyrta, “Kine ki briew ki long ki shakri U Blei Bahakhlieh Tam Eh! Ki pynbna ha phi kumno ba yn pynim ïa phi!”

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

GALATIA 4:14

Hynrei wat la ka jinglong ka met jong nga ka la long ka jingtynjuh bakhraw ïa phi, phim shym la ibeiñ ne kyntait ïa nga. Pynban phi la pdiang ïa nga kumba phi pdiang ïa u angel na bneng; phi la pdiang ïa nga kumba phi pdiang ïa U Khrist Jisu hi.

DEUTERONOMI 21:5

Ki lyngdoh Lebi ruh kin leit lang shata, namar dei ma ki, ki ban rai ïa kawei pa kawei ka jingïania bad ka jingïashoh. U Trai U Blei jong phi u la jied ïa ki ban shakri ïa u bad kyrkhu ha ka kyrteng jong u.

DEUTERONOMI 24:8

“Haba phi pang 'ñiangthohlieh, phi dei ban leh thik kumba ki lyngdoh Lebi ki ong ïa phi, bad bud ïa ki jinghikai ïa kiba nga la ai ha ki.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.

1 SAMUEL 2:17

Kumta ka pop jong ki khun u Eli ka long kaba la shyrkhei palat ha khmat U Trai, namar ba ki la ñiew khlem ka jingburom ïa ki jingainguh ha U Trai.