MALAKHI 2:6 - Khasi CL Bible (BSI)

⁶ Ki la hikai ïa kaei kaba dei, ym ïa kaei ka bym dei. Ki la im ha ka jingïadei basngewtynnat bad nga; ki la leh ïa kaei kaba dei ym tang ha lade, hynrei ki la ïarap ruh ïa kiba bun ban sangeh na kaba leh ïa kaba sniew.

KA BAIBL

⁶ Ka hukum ka jingshisha ka la don ha ka shyntur jong u, bad ïa ka jingbymhok ym shym shem ha ki rmiang shyntur jong u: u la ïaid bad nga ha ka jingsuk bad ka hok, bad u la pynphai noh shibun na ka jingbymhok.

MALAKHI 2:6 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 6:9

Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

SALM 119:142

Ka hok jong me kan neh junom, bad ka aiñ jong me ka long borabor kaba shisha.

SALM 119:151

Hynrei me don hajan jong nga, A Trai, bad ki hukum jong me baroh ki long kiba neh skhem.

SALM 37:30

Ki ktien u briew uba bha ki long ka jingstad, bad u long borabor uba shai.

SALM 37:37

Khmih thuh ïa u briew uba bha, wad bniah ïa u briew uba hok, u briew uba shongsuk shongsaiñ un don ki khun ki ksiew;

PROBERB 5:2

Te phin sa nang kumno ban leh donakor, bad ki ktien jong phi kin pynpaw ba phi don ka jingtip.

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

DANIEL 12:3

Ki nongïalam kiba stad kin tyngshaiñ da ka jingphyrnai baroh jong ka suiñbneng. Bad kito kiba la hikai ïa kiba bun ki briew ban leh ïa kaei kaba dei kin tyngshaiñ kum ki khlur junom.”

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

MARKOS 12:14

Ki la wan sha u bad ki la ong, “Ko Nonghikai, ngi tip ba me kren ïa ka jingshisha, khlem da khuslai ïa kaei kaba ki briew ki pyrkhat. Mem ñiew ïa ka kyrdan u briew, hynrei me hikai ïa ka jingshisha shaphang ka mon U Blei na ka bynta u briew. To ïathuh ïa ngi, hato ka long pyrshah ïa ka Hukum jong ngi ban siew ki khajna sha u Patsha ka Rom? Hato ka dei ïa ngi ban siew ne ban ym siew?”

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

LOUKAS 20:21

Kine ki nongsyntiat ki la ong ha U Jisu, “Ko nonghikai, ngi tip ba kaei kaba me ong ka long kaba dei. Ngi tip ba mem khmih ïa ka kyrdan u briew, hynrei me hikai ïa ka jingshisha shaphang ka mon jong U Blei na ka bynta u briew.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

DEUTERONOMI 33:10

Kin hikai ïa ki briew jong me ban kohnguh ïa ka Aiñ jong me; Kin ai ïa ki jingkñia ha ka duwan jong me.

DEUTERONOMI 33:8

Shaphang ka jait Lebi u ong, “Ko Trai, to pynpaw ïa la ka mon da u Urim bad u Thummim Lyngba ki Lebi, ki shakri kiba ïaineh jong me. Me la tynjuh ïa ki ha Massah, Bad me la phrang ïa ki ha ki um ka Meribah.

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.

JINGPYNPAW 14:5

Ym ju lap ïa ki ba ki ïathuh lamler; ki long kiba khlem thohbria.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai