MALAKHI 2:2 - Khasi CL Bible (BSI)

² Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

KA BAIBL

² Lada phin ym sngap, bad lada phin ym pyrkhat, ïa ka ban ai burom ïa ka kyrteng jong nga,” ong U Trai ki paid, “te ngan phah ïa ka jingtim halor jong phi, bad ngan tim ïa ki jingkyrkhu jong phi: shisha keiñ, nga la tim lypa ïa ki, namar ba phim pyrkhat ïa kane.

MALAKHI 2:2 ပူးပေါင်းရင်းမြစ်များ

SALM 69:22

Ai ba ki jingkhawai bah jong ki kin long ka jingpynjot ïa ki; ai ba ki jingkhawai bakyntang jong ki kin long ka jingkyllon jong ki.

PROBERB 3:33

U Trai u buh ka jingtim ha ki longïing jong ki riewbymman, hynrei u kyrkhu ïa ki longïing jong kiba hok.

ISAÏAH 42:25

Kumta u pynlong ïa ngi ban sngew ïa ka bor ka jingbitar jong u bad shah jynjar ïa ka jingshyrkhei ka thma. Kum ka ding ka jingbitar jong u ka meh kylleng ka Israel, hynrei ngim ju tip aïu ka jia; ngim shym ïoh jinghikai satia ei ei na ka.

ISAÏAH 47:7

Pha pyrkhat ba phan ïailong ka syiem, bad pham shym la shim khia ïa kine kiei kiei lane pyrkhat kumno ba kine baroh kin kut.

ISAÏAH 57:11

U Trai u ong, “Kiei kine ki blei kiba pynsheptieng ïa phi, kumta ba phi ïathuh ïa nga ïa kaba lamler bad klet syndon ïa nga? Hato phim shym la ai burom shuh ïa nga namar ba nga la shu sngap la slem bah?

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

ESEKIEL 3:7

Hynrei ym don mano mano ruh na ki paid Israel kiba mon ban shahshkor, naba kim shahshkor wat ïa nga ruh; baroh na ki, ki long kiba mutlop bad kiba ehrang.

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

HAGGAI 1:9

“Phi la kyrmen ïa ki jingot kiba bun, hynrei ki la kylla long tang khyndiat. Bad haba phi la wanrah ïa ka jingot sha ïing, nga pynher ïa ka sha jngai. Balei ba nga la leh ïa kata? Namar ka Templ jong nga ka dang don ha ki jingjot katba uwei pa uwei na phi u bunkam ha ka jingtrei ïa la ka jong ka ïing.

MALAKHI 2:1

U Trai Badonbor Baroh u ong ha ki lyngdoh, “Kane ka hukum ka long na ka bynta jong phi:

MALAKHI 3:9

Ka jingtim ka long halor jong phi baroh namar ka jaitbynriew baroh kawei ka shukor ïa nga.

LOUKAS 17:18

Balei une u nongwei u long tang ma u uba la wan phai pat ban ainguh ïa U Blei?”

JOSHUA 7:19

U Joshua u ong ha u, “Ko khun shynrang jong nga, ïathuh ïa ka jingshisha hangne ha khmat U Trai, U Blei ki Israel, bad phla. Ïathuh ha nga mynta ïa kaei kaba me la leh. Wat pyrshang ban buhrieh ïa ka na nga.”

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 16:9

La thang ïa ki da ka jingshit tyrha kaba jur, bad ki la tim ïa ka kyrteng jong U Blei, uba don ka bor halor kine ki khlam. Hynrei kim shym phai noh na ki pop jong ki bad ïaroh ïa ka jingkhraw jong u.