MALAKHI 2:17 - Khasi CL Bible (BSI)

¹⁷ Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

KA BAIBL

¹⁷ Phi la pynbtai ïa U Trai da la ki ktien. Pynban, phi ong, “Ha kaba kumno ngi la pynbtai ïa u?” Ha kaba phi ong, “Uwei uwei baroh uba leh sniew u long u babha ha khmat U Trai, bad u sngewbha ha ki;” lane “hangno U Blei ka jingbishar?”

MALAKHI 2:17 ပူးပေါင်းရင်းမြစ်များ

Ka Kitab U Job 34:17

Hato phi rai pynrem ïa U Blei uba hok? Hato phi pyrkhat ba U isih ïa ka jingbishar hok?

Ka Kitab U Job 34:36

Pyrkhat halor kiei kiei kiba u Job u ong; phin ïohi ba u kren kum u riewbymman.

Ka Kitab U Job 36:17

Hynrei mynta ïa phi la pynshitom kumba phi dei ban ïoh.

Ka Kitab U Job 9:24

U Blei u ai ïa ka pyrthei ha ki bymman. U pynlong ïa baroh ki nongbishar kiba matlah. Bad lada ym dei U Blei uba leh ïa kata, uei uba leh?

EKLESIASTIS 8:11

Balei ki briew ki stet haduh katta katta ban leh ïa ki kam sniew? Namar ïa ka kam sniew ym ju kham pynshitom kloi.

ISAÏAH 1:14

Nga isih ïa ki Jingkhawai Niam Bnai Thymmai jong pha bad ïa ki sngi bakhuid; ki long ki jingkit bakhia kiba nga la thait ban kit.

ISAÏAH 29:15

Kito kiba pyrshang ban buhrieh ïa ki jingthmu jong ki na U Trai, kin jot noh! Ki pynïaid ïa ki rukom treikam jong ki ha kaba rieh bad ki pyrkhat ba yn ym don ba ïohi ïa ki lane tip ïa kaei kaba ki leh.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 43:22

U Trai u ong, “Hynrei phi la thait ïa nga, ko Israel; phim shym la mane ïa nga.

ISAÏAH 43:24

Phim shym la thied jingiwbih ïa nga lane pynhun ïa nga da ka khleiñ ki jingri jong phi. Pynban phi la bankhia ïa nga da ki pop jong phi; phi la pynbtai ïa nga da ki jingbakla ba phi la leh.

ISAÏAH 7:13

U Isaïah u jubab ïa kata, “To shahshkor, mynta, ko ki khun ki ksiew jong u Syiem Dabid. Ka long kaba sniew eh ïa phi ban pynthait ïa ka jingïaishah jong ki briew — hato phi donkam ruh ban pynthait ïa ka jingïaishah ka jong U Blei?

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 17:15

Ki briew ki ong ha nga, “Hangno kito ki jingbyrngem kiba U Trai u la pynlong pyrshah ïa ngi? To ai ba un pyndep ïa ki mynta!”

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

ESEKIEL 16:43

Pha la klet kumno nga la leh ïa pha mynba pha dang samla, bad pha la pynbitar ïa nga da kiei kiei baroh kiba pha la leh. Dei kata keiñ balei ba nga la pynlong ïa pha ban shah na ka bynta jong ki baroh. Balei pha bynrap ïa ka jingawria jakhlia ha baroh kiei kiei kiba ijli kiba pha la leh?” U Trai Nongsynshar u la kren.

ESEKIEL 18:25

“Hynrei phi ong, ‘Kaei kaba U Trai u leh kam long kaba dei.’ To shahshkor ïa nga, phi ki Israel. Hato phi pyrkhat ba ki lynti jong nga kiba nga leh ïa kiei kiei kim long kiba dei? Ka dei ka lynti jong phi ka bym long kaba dei.

ESEKIEL 8:12

U Blei u la kylli ïa nga, “Ko khun u briew, me ïohi aïu ki rangbah Israel ki ïaleh ha kaba rieh? Baroh ki ïamane ha ka kamra kaba dap da ki dur bleithaw. Ka jingpynksan jong ki ka long: ‘U Trai um ïohi ïa ngi! U la iehnoh ïa ka ri.’ ”

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

AMOS 2:13

Bad mynta, ngan ïuh ïa phi ha madan bad phin ud kum ka kali ba la pynkit khia da u kew.

SEPHANAÏAH 1:12

“Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

MALAKHI 2:14

Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

1 SAMUEL 2:3

Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.