MALAKHI 2:14 - Khasi CL Bible (BSI)

¹⁴ Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

KA BAIBL

¹⁴ Pynban, phi ong, “Namar balei?” Namar ba U Trai u la long u sakhi hapdeng jong me bad ka tnga samla jong me, ïa kaba me la shetkylla, la ka long ka lok jong me, bad ka tnga ka jutang jong me.

MALAKHI 2:14 ပူးပေါင်းရင်းမြစ်များ

JENESIS 2:18

Nangta U Trai U Blei u la ong, “Kam long kaba bha ïa u briew ban im marwei. Ngan thaw ka nongsynran babiang ban ïarap ïa u.”

JENESIS 31:50

U Laban u ong shuh shuh, “Lada phi lehbeiñ ïa ki khun kynthei jong nga lane lada phi shongkurim ïa kiwei pat ki kynthei, wat la ngam lah ban tip shaphang kata, to kynmaw ba U Blei u khmih ïa ngi.

PROBERB 2:17

kaba iehnoh ïa la u jong u tnga bad klet ïa la ka jutang kaba kyntang.

PROBERB 30:20

Ka tnga ka bymïaineh ka leh kumne: ka klim, ka sum, bad ka ong, “Hynrei ngam shym leh ei ei ka bymdei!”

PROBERB 5:20

Ko khun jong nga, balei phin shu ai ïa la ka jingieit sha kawei pat ka briew? Balei phin kham jied ïa ka jingpynshohbieit ka tnga jong uwei pat u briew?

EKLESIASTIS 9:9

To lehkmen ha ka jingim bad ka briew kaba phi ieit, katba phi dang im ka jingim ka bymmyntoi kaba U Blei u la ai ha phi ha kane ka pyrthei. Lehkmen ïa kawei pa kawei ka sngi bymmyntoi jong ka, namar kata baroh ka long kaba phin ïoh na ka bynta ka jingjynjar jong phi baroh.

JINGRWAI SOLOMON 1:15

Phi long kaba bhabriew eh, ko ba-ieit jong nga; katno ki khmat jong phi ki phyrnai itynnat da ka jingieit!

ISAÏAH 54:6

Ko Israel, pha long kum ka tnga ba dang kham samla, ba la iehnoh da u tnga jong ka bad ba sngew jynjar sat. Hynrei U Trai u khot pat ïa pha bad u ong:

ISAÏAH 58:3

Ki briew ki kylli, “Balei ngin shahjingit, lada U Trai um patiaw? Balei ngi dei ban leit khlem bam lada um shahshkor?” U Trai u ong ïa ki, “Ka jingshisha ka long ba ha kajuh ka por ba phi shahjingit, phi ïabeh ïa la ki jong ki jingmyntoi bad banbeiñ ïa la ki nongtrei.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 42:5

Nangta ki la ong ïa nga, “To ai ba U Trai un long u sakhi bashisha bad bahok pyrshah ïa ngi lada ngim kohnguh ïa ki hukum baroh kiba U Trai U Blei jong ngi u ai ha phi na ka bynta jong ngi.

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

MIKAH 1:2

To sngew ïa kane, phi ki jaitbynriew baroh; to sngap ïa kane, ko phi kiba im ha ka pyrthei! U Trai Nongsynshar un sakhi pyrshah ïa phi. To shahshkor! U kren na ka templ ba kynja bneng.

MALAKHI 2:15

Hato U Blei um shym la pynlong ïa phi kawei ka met bad mynsiem bad ka? Kaei ka jingthmu jong u ha kane? Ka long ba phi dei ban don ki khun kiba long ki briew jong U Blei da shisha. Te pynthikna ba yn ym don na phi uba pynkheiñ ïa la ka jingkular ha ka tnga jong u.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

NONGBISHAR 11:10

Ki jubab, “Ngi mynjur ïa kata. U Trai un long u sakhi hapdeng jong ngi.”

1 SAMUEL 12:5

U Samuel u ong ha ki, “U Trai bad u Syiem uba u la jied ki long ki sakhi mynta ka sngi ba phi la shem ba nga long uba lui lui.” “Ho-oid, U Trai u long u sakhi jong ngi,” ki jubab.