MALAKHI 2:13 - Khasi CL Bible (BSI)

¹³ Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

KA BAIBL

¹³ Bad ïa kane phi leh pat: phi tap ïa ka duwan U Trai da ki jingjaw ummat, da ka jingïam, bad da ka jingud, haduh ba um ñiew shuh ïa ka jingainguh, lymne um pdiang ïa ka na ka kti jong phi da ka mon sngewbha.

MALAKHI 2:13 ပူးပေါင်းရင်းမြစ်များ

NEHEMAÏAH 5:1

Hadien katto katne por, bun na ki briew, kynthup ïa ki shynrang bad ki kynthei, ki sdang ban ujor pyrshah ïa ki para Jiw jong ki.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

DEUTERONOMI 15:9

Wat kyntait ban ai kylliang ei ei ïa u, tang namar ba ka snem map ram ka la jan poi. Wat shah ba kum kata ka jingmut bymman kan rung ha phi. Lada phi kyntait ban ai kylliang, un sa kyang ha U Trai pyrshah ïa phi, te kan long pop ha phi.

DEUTERONOMI 26:14

Mynba nga ïambriew, ngam shym la bam ei ei na ka; mynba nga long u bymkhuid, ngam shym la rah ei ei na ka shabar ïing; bad ngam shym la ai ei ei na ka kum ka jingainguh ïa kiba ïap. Nga la kohnguh ïa me, ko Trai; nga la leh ïa kaei kaei baroh kat kaba me la hukum ïa nga kiba ïadei bad kawei na ki shiphew.