MALAKHI 2:12 - Khasi CL Bible (BSI)

¹² To ai ba U Trai un weng noh na ka jaitbynriew Israel ïa kito kiba la leh ïa kane, bad ban ym shah ïa ki lano lano ruh ban ïashim bynta ha ki jingainguh kiba ka hima jong ngi ka wallam sha U Trai Badonbor Baroh.

KA BAIBL

¹² U Trai un ot noh ïa u briew uba leh ïa kane, ïa uta uba ap bad uta uba phai ktien, na ki ïingjaiñ u Jakob, bad ïa uta uba ainguh ïa ka jingainguh ha U Trai ki paid.

MALAKHI 2:12 ပူးပေါင်းရင်းမြစ်များ

1 KHRONIKL 25:8

Bad tip ïa la ki jong ki kamram, baroh ki ïakynting sbai, la ki dei kiba dang samla ne kiba la rangbah, kiba tbit lane kiba dang pyrshang.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

ESEKIEL 14:10

Baroh ar, u nongïathuhlypa bad uta uba kylli na u, kin ïoh ïa kajuh ka jingshah pynshitom.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

LEBITIKOS 18:29

Phi tip ba jar uba leh ïa kano kano na kine ki kam kiba ijli yn ym ñiew shuh ïa u kum uwei na ki briew jong U Blei.

LEBITIKOS 20:3

Nga hi ngan phai pyrshah ïa uta u briew bad ngan ym ñiew shuh ïa u kum uwei na ki briew jong nga, namar u la ai ïa uwei na ki khun jong u ha u Molekh, bad kumta u pynbyrsieh ïa ka jaka kyntang jong nga bad u pynjahburom ïa ka kyrteng kaba khuid jong nga.

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

SEKHARAÏAH 12:7

“Ma nga, U Trai, ngan ai ka jingjop nyngkong ïa ki kynhun shipai jong ka Judah, khnang ba ka burom kaba ki khun ki ksiew jong u Dabid bad ki briew ka Jerusalem kin ïohpdiang kan ym long kaba khraw ban ïa kata kaba sah jong ka Judah.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MALAKHI 1:13

Phi ong, ‘Katno ngi la ngiah ïa kane baroh!’ bad phi pyn-i ïa ka khmut jong phi sha nga. Kum ka jingainguh jong phi sha nga phi wanrah ïa u jingri ba la shu tuh ne uta uba dkoh ne uba pang. Hato phi pyrkhat ba ngan pdiang ïa kata na phi?

MALAKHI 2:10

Hato baroh na ngi ngim don ujuh u kpa? Hato ym dei ujuh U Blei uba la thaw ïa ngi baroh? Te balei ngi pynkheiñ ïa la ki jingkular iwei ïa iwei pat, bad balei ngi ñiewbeiñ ïa ka jutang kaba U Blei u la pynlong bad ki kpa tymmen jong ngi?

JINGKHEIÑ 24:5

Ki ïingjaiñ jong ki Israel ki long kiba itynnat, Kum ki dieng Tlai kiba ïeng laiñ.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

1 SAMUEL 3:14

Namar kata nga la pynbna da ka jingsngewkhia ba ha ka ïing u Eli yn ym don jingkñia lane ka jingainguh kaba lah ban weng noh ïa kane ka pop bashyrkhei ba ka ïing jong u ka la leh.”