MALAKHI 1:9 - Khasi CL Bible (BSI)

⁹ Mynta, phi ki lyngdoh, pyrshang ban kyrpad ïa U Blei ba un lehbha ïa ngi. Un ym jubab ïa ki jingduwai jong phi, bad kan long ka jingbakla jong phi.

KA BAIBL

⁹ “Te mynta, nga kyrpad ïa phi, to kyrpad ïa ka khmat U Blei, ba un isynei ïa ngi: kane ka la long namar jong phi keiñ: hato un pdiang sngewbha ïa ka khmat jongno jongno na phi?” ong U Trai ki paid.

MALAKHI 1:9 ပူးပေါင်းရင်းမြစ်များ

2 KHRONIKL 30:27

Ki lyngdoh bad ki Lebi ki la kyrpad ïa ka jingkyrkhu jong U Trai halor u paidbah. Ha ka ïing jong u ha bneng, U Blei u la ïohsngew ïa ki jingduwai jong ki bad u la pdiang ïa ki.

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JEREMAÏAH 27:18

Lada ki dei da shisha ki nongïathuhlypa bad lada ki don ïa ka khubor jong nga, shah ïa ki ban kylli ïa nga, U Trai Badonbor Baroh, ban ym shah ïa ki jingkynshew kiba don ha ka Templ bad ha ka ïingsyiem ban shah rah sha Babilonia.

SNGEWSYNEI 2:19

Baroh shi miet to khie bad ïai khie ban kyang jam ha U Trai; to theh ïa la ka dohnud bad kyrpad ïa u na ka bynta ka jingisynei ïa ki khun jong pha — Ki khun kiba ha ka jingïapthngan ha kawei pa kawei ka kyndong lynti bah!

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

JOEL 2:17

Ki lyngdoh, kiba shakri ïa U Trai hapdeng ka duwan bad ka jaka rung ka Templ, ki dei ban ïam bad duwai: “To isynei ïa la ki briew, A Trai. To wat ai ba kiwei ki jaitbynriew kin krenbeiñ bad ñiewbeiñ ïa ngi da kaba ong, ‘Hangno U Blei jong phi?’ ”

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

ÏOANNIS 9:31

Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

Ka Shithi U Paul Sha Ki Nong Rom 2:11

Naba U Blei u bishar ïa baroh da kajuh ka jingbishar.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.