MALAKHI 1:8 - Khasi CL Bible (BSI)

⁸ Haba phi wallam da u jingri uba matlah ne uba pang ne uba dkoh ban kñia ha nga, hato phi pyrkhat ba kam don jingbakla ha kata? Pyrshang ban ai da uba kum uta u jingri ha u lat! Hato un sngewbha ïa phi ne ai ha phi ïa kiba phi kyrpad?”

KA BAIBL

⁸ Bad haba phi ainguh da u bamatlah ban long ka jingkñia, kam long sniew ei ei! Bad haba phi ainguh da u ba-dkoh bad u bapang, kam long sniew ei ei! To ai ïa kata mynta ha la u nongsynshar; un sngewbha uta ïa me? lane un pdiang sngewbha ïa ka khmat jong me?” ong U Trai ki paid.

MALAKHI 1:8 ပူးပေါင်းရင်းမြစ်များ

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

SALM 20:3

To un pdiang ïa ki jingainguh jong me baroh, bad un sngewbha ïa ki jingkñia jong me baroh.

JEREMAÏAH 14:10

U Trai u ong shaphang kine ki briew, “Ki ieit ban phet noh na nga, bad kin ym lah ban bat synshar ïa lade. Kumta ngam shym la sngewbha bad ki. Ngan kynmaw ïa ki jingbakla kiba ki la leh bad ngan pynshitom ïa ki namar ki pop jong ki.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MALAKHI 1:7

Ka dei kumne — kaba ainguh da ka jingbam ka bymdondor ha ka duwan jong nga. Nangta phi kylli, ‘Kumno ngi la rem ha kaba ñiewkor ïa me?’ Ngan ong ïa phi — da kaba phi ñiewbeiñ ïa ka duwan jong nga.

DEUTERONOMI 15:21

Hynrei lada don ei ei kaba duna ha kita ki jingri, lada ki dkoh lane ki matlah, lane lada palat eh kano kano ka jingduna, phim dei ban kñia ïa ki ha U Trai U Blei jong phi.