MALAKHI 1:4 - Khasi CL Bible (BSI)

⁴ Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”

KA BAIBL

⁴ Namar ba ka Edom ka ong, “La shoh pynkyllon ïa ngi, hynrei, ngin phai pat bad ngin tei ïa ki jaka kynjah”; kumne u ong U Trai ki paid, “Kin tei, hynrei, nga, ngan pynkyllon: bad ki briew kin khot ïa ki ‘Ka muluk ka jingbymman’, bad ‘U paidbah ba U Trai u don ka jingbitar lep ïa ki junom.’

MALAKHI 1:4 ပူးပေါင်းရင်းမြစ်များ

Ka Kitab U Job 12:14

Haba U Blei u pyntwa, uei uba lah ban tei pat, bad uno uba lah ban pyllait ïa u briew uba U Blei u la set byndi?

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

SALM 127:1

Lada U Trai um tei ïa ka ïing, ka jingtrei ki nongtei ka long lehnoh-ei; lada U Trai um ïada ïa ka nongbah, ka long lehnoh-ei ïa ki nongap ban ap phira.

SALM 137:7

To kynmaw, A Trai, kaei kaba ki Edom ki la leh ha ka sngi ba kurup ïa ka Jerusalem. To kynmaw kumno ki ïai-ong, “To pynjot thiaw ïa ka!”

SALM 33:10

U Trai u pyndiaw ïa ki jingthmu ki jaitbynriew; um shah ïa ki ban pyntreikam ïa ki jingthmu jong ki.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 34:10

Kan ing mynsngi bad mynmiet, bad ka tdem kan kiew na ka junom. Ka khyndew kan sah lehnoh-ei na kawei ka rta sha kawei pat, bad yn ym don shuh u ban ïaid lyngba jong ka.

ISAÏAH 34:5

U Trai u la pynkhreh ïa ka waitlam jong u ha bneng, bad mynta kan mait ïa ki Edom, kita ki briew ïa kiba u la pynrem sha ka jingjot.

JEREMAÏAH 31:17

Ka don ka jingkyrmen na ka bynta ka lawei jong phi; ki khun jong phi kin wan phai pat sha la ka ri. Ma nga, U Trai, nga la kren.

JEREMAÏAH 49:20

Kumta to shahshkor ïa ka jingthmu kaba nga don pyrshah ïa ki briew ka Edom, bad ïa kaei kaba nga thmu ban leh ïa ki briew jong ka nongbah Teman. Wat ïa ki khynnah yn paring ïa ki, bad uwei pa uwei un sngewtriem.

JEREMAÏAH 49:7

Kane ka dei kaei kaba U Trai Badonbor Baroh u ong shaphang ka Edom: “Hato ki briew ka Edom ki la duh noh ïa la ka jingbishar babha? Hato ki nongaibuit jong ki kim lah shuh ban ïathuh ïa ki kaei ba ki dei ban leh? Hato ka jingstad jong ki baroh ka la jah noh?

JEREMAÏAH 49:8

Ko ki briew ka Dedan, to phai noh bad phet! To rieh! Ngan pynjot ïa ki khun ki ksiew u Iso, namar ka por ka la poi ïa nga ban pynshitom ïa ki.

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

SNGEWSYNEI 3:37

Tang ïa ka mon ka jong U Trai hi la ju ïai pyndep.

ESEKIEL 11:10

bad yn pynïap ïa phi ha ka thma ha ka ri jong phi hi. Te uwei pa uwei un tip ba nga long U Trai.

ESEKIEL 25:13

Mynta nga pynbna ba ngan pynshitom ïa ka Edom bad pynïap ïa uwei pa uwei u briew bad u mrad hangta. Ngan pynlong ïa ka kaba sah shrah, na ka nongbah Teman haduh ka nongbah Dedan, bad ki briew kin shah pynïap ha ka thma.

ESEKIEL 25:14

Ki briew jong nga ki Israel kin pynhiarkput ïa ka Edom namar jong nga, bad kin pynlong ïa ka Edom ban mad ïa ka jingbitar lep jong nga. Ki Edom kin tip ka mut aïu ban shah ha ka jingpynhiarkput jong nga.” U Trai Nongsynshar u la kren.

ESEKIEL 26:14

Ngan ieh sa tang u mawsiang ha uba ki nongtong dohkha ki lah ban pynrkhiang ïa la ki jar. Ïa ka nongbah yn ym tei pat ïa ka. Ma nga, U Trai Nongsynshar, nga la kren.”

ESEKIEL 35:4

Ngan iehnoh ïa ki nongbah jong me ha ki jingjot, bad ïa ka ri jong me kaba kynjah; te men sa tip ba nga long U Trai.

ESEKIEL 35:9

Ngan pynlong ïa me ka ri khlaw junom la junom, bad yn ym don uno uno u ban shong shuh ha ki nongbah jong me. Te men sa tip ba nga long U Trai.

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

AMOS 3:15

Ngan pynjot ïa ki ïingshong tlang bad ki ïingshong lyiur. Ki ïing ba la pynitynnat da ki bniat hati kin kyllon ha ka jingjot; man la kawei pa kawei ka ïing bah kan jot thiaw.”

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

AMOS 6:11

Haba U Trai u ai ïa ka hukum, ki ïing kiba rit bad kiba heh kin shah pynpra lyngkhot lyngkhai.

AMOS 6:2

Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?

OBADAÏAH 1:1

Kane ka dei ka jingïathuhlypa jong u Obadaïah — kaei kaba U Trai Nongsynshar u la ong shaphang ka jaitbynriew Edom. U Trai u la phah ïa u nonglamktien ha ki jaitbynriew, bad ngi la ïohsngew ïa ka khubor jong u: “To pynkhreh! Ïa ngin leit ïaleh thma pyrshah ïa ka Edom!”

OBADAÏAH 1:10

“Namar ba pha lute bad pynïap ïa la ki hynmen ki para shynrang, ki khun ki ksiew u Jakob, ïa pha yn pynjot bad pynjahburom junom.

MALAKHI 1:3

bad nga la isih ïa u Iso bad ïa ki khun ki ksiew jong u. Nga la pynjot thiaw ïa ka ri lum jong u Iso bad iehnoh noh ïa ka ri ha ki myrsiang.”

MATHAÏOS 12:30

“Uno uno u bym long na ka bynta jong nga, u ïaleh pyrshah shisha ïa nga; uno uno u bym ïarap ïa nga ban lum ban lang u long shisha uba pynsaphred.