MALAKHI 1:2 - Khasi CL Bible (BSI)

² U Trai u ong ha ki briew jong u, “Nga la ju ieit ïa phi borabor.” Hynrei ki jubab, “Da kumno me la pyn-i ïa ka jingieit jong me ïa ngi?” U Trai u jubab, “U Iso bad u Jakob ki la long shi para, hynrei nga la ieit ïa u Jakob bad ïa ki khun ki ksiew jong u,

KA BAIBL

² “Nga la ieit ïa phi,” ong U Trai. “Pynban, phi ong, ‘Ha kaei me la ieit ïa ngi?’ Hato u Esau um shym ïadei shipara bad u Jakob?” ong U Trai: “pynban, ïa u Jakob nga la ieit;

MALAKHI 1:2 ပူးပေါင်းရင်းမြစ်များ

JENESIS 25:23

U Trai u ong ha ka, “Ar tylli ki jaitbynriew ki don hapoh jong pha; Phan sa kha ar jait ki briew kiba ïaleh pyrshah para ma ki. Kawei kan kham khlaiñ ban ïa kawei pat, Kaba ha shuwa kan shakri ïa kaba hadien.”

JENESIS 25:25

Uba nyngkong u long uba saw doh, bad ka sniehdoh jong u ka long kum ka jaiñkup shñiuh; kumta la khot kyrteng ïa u, u Iso.

JENESIS 25:26

Ïa uba ar la kha da kaba u batskhem triang ïa ka khongdong'jat jong u Iso; kumta la khot kyrteng ïa u, u Jakob. U Isaak u la dap hynriewphew snem ka rta mynba la kha ïa ki.

JENESIS 27:33

U Isaak u la sdang ban kyiuh bad khynñiuh baroh shi rynïeng, bad u la kylli, “Te uei pat uto uba la pynïap mrad bad uba la wanrah ïa ka sha nga? Nga la bam ïa ka shuwa ba men wan. Nga la ai ha u ïa ka jingkyrkhu bakhatduh, bad kumta ka long ka jong u shi junom.”

JENESIS 48:4

U la ong ha nga, ‘Ngan ai ha me bun ki khun ki ksiew ba kumta ki nongmih pateng jong me kin sa long ki jaitbynriew kiba bun. Ngan ai ïa kane ka ri ha ki khun ki ksiew jong me ba kan long ka ri kynti jong ki junom.’ ”

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

2 SYIEM 3:8

Na kano ka lynti ngin ïaid na ka bynta ka jingtur ïaleh?” “Ngin ïaid ïa ka lynti kaba jlan, lyngba ka ri khlaw Edom,” u Joram u jubab.

ISAÏAH 43:4

Ngan kyntait ïa ki ri baroh ban pynim ïa ka jingim jong phi, namar phi long uba kordor ha nga bad namar ba nga ieit ïa phi bad ai ïa phi ka burom.

ISAÏAH 63:1

“Uei une uba wan na ka nongbah Bosrah ha Edom? Uei une uba riam itynnat ha ki jaiñkup rong saw u da ïaid ryngkat ha ka bor bad jingkhlaiñ?” “U dei U Trai, uba donbor ban pyllait im, u wan ban pynbna ïa ka jingjop jong u.”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

JEREMAÏAH 31:3

Ko ki paid Israel, nga la ieit ïa phi borabor, kumta nga ïai pyn-i ïa phi ïa ka jingieit baneh jong nga.

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

LOUKAS 10:29

Hynrei u nonghikai ka Hukum u la kwah ban pynksan ïa lade, kumta u la kylli ïa U Jisu, “Uei u paramarjan jong nga?”

ÏOANNIS 15:12

Ka hukum jong nga ka long kane: To ïa-ieit iwei ïa iwei pat, kumba nga ieit ïa phi.

DEUTERONOMI 10:15

Hynrei ka jingieit U Trai ïa ki kpa tymmen jong phi ka long kaba khraw katta katta ba u la jied ïa phi napdeng ki jaitbynriew baroh, bad phi dang long haduh mynta ka jaitbynriew ba la jied jong u.

DEUTERONOMI 23:5

Hynrei U Trai U Blei jong phi un ym sngap ïa u Balaam; u pynkylla pynban ïa kata ka jingtim sha ka jingkyrkhu, namar ba u ieit ïa phi.

DEUTERONOMI 33:3

U Trai u ieit ïa la ki briew, bad u ïada ïa la ki jong. Kumta ngi dem ha ki kjat jong u, bad kohnguh ïa ki hukum jong u.

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.