MALAKHI 1:14 - Khasi CL Bible (BSI)

¹⁴ Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

KA BAIBL

¹⁴ “Hynrei, to long ba la tim ïa uta u nongleh phon, uba don u shynrang hapdeng ki langbrot jong u, bad u kular skhem, te u kñia ha U Trai da kaba sang: naba nga long u syiem u bakhraw,” ong U Trai ki paid, “bad ka kyrteng jong nga ka long kaba sngewsheptieng hapdeng ki Jentil.”

MALAKHI 1:14 ပူးပေါင်းရင်းမြစ်များ

JENESIS 27:12

Lehse i pa jong nga in ktah ïa nga bad in shem ba nga shukor ïa i; da kumne ngan wallam ka jingtim ha lade hi ha ka jaka ka jingkyrkhu.”

2 SAMUEL 24:24

Hynrei u syiem u jubab, “Em, ngan da siewdor ïa ka. Ngan ym ai ha U Trai U Blei jong nga ïa ki jingkñia kiba nga khlem da siewdor ei ei.” Bad u la thied ïa ka jaka shoh kew bad ïa ki masi dab ha ka dor sanphew tylli ki sbai rupa.

SALM 102:16

Haba U Trai un tei pat ïa ka Seïon, un sa pynpaw ïa ka jingkhraw jong u.

SALM 47:2

U Trai, u Bahakhlieh Tam Eh, u long uba dei ban sheptieng; U long u syiem bakhraw, uba synshar halor ka pyrthei baroh.

SALM 47:3

U ai ïa ngi ka jingjop halor ki jaitbynriew; u pynlong ïa ngi ban synshar halor ki hima.

SALM 47:8

U Blei u shong ha ka khet bakyntang jong u; u synshar halor ki hima.

SALM 48:2

Ha Seïon, u lum jong U Blei, u long uba jrong bad uba itynnat; ka nongbah jong u syiem bakhraw kaba wanrah ïa ka jingkmen ha ka pyrthei baroh kawei.

SALM 68:35

A katno uba itynnat eh long U Blei haba u wan na ka jaka kyntang jong u — U Blei jong ki Israel! U ai ka jingkhlaiñ bad ka bor ha ki briew jong u. To ïaroh ïa U Blei!

SALM 76:12

u pyndem ïa ki khun syiem shynrang kiba sarong, bad u pynshyrkhei ïa ki syiem kiba khraw.

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 48:10

(Long ba la tim ïa u briew u bym leh ïa ka kam U Trai da ka dohnud jong u baroh! Long ba la tim ïa uno uno u bym pom bad pynïap!)

JEREMAÏAH 48:15

Ïa ka Moab bad ïa ki nongbah jong ka la pynjot, ïa ki samla shynrang bakynsai tam la pynïap. Nga long u syiem, U Trai Badonbor Baroh, bad nga la kren.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MALAKHI 1:8

Haba phi wallam da u jingri uba matlah ne uba pang ne uba dkoh ban kñia ha nga, hato phi pyrkhat ba kam don jingbakla ha kata? Pyrshang ban ai da uba kum uta u jingri ha u lat! Hato un sngewbha ïa phi ne ai ha phi ïa kiba phi kyrpad?”

MALAKHI 2:1

U Trai Badonbor Baroh u ong ha ki lyngdoh, “Kane ka hukum ka long na ka bynta jong phi:

MALAKHI 3:9

Ka jingtim ka long halor jong phi baroh namar ka jaitbynriew baroh kawei ka shukor ïa nga.

MATHAÏOS 24:51

U kynrad un ot ïa u lyngkhot lyngkhai bad un pynlong ïa u ban ïoh bynta ïa ka kupar jong ki riewarsap. Hangta un lynñiar bad kyr-iat la ki bniat.

MATHAÏOS 5:35

lymne da ka khyndew, naba ka long ka jingïuhkjat jong u; lymne da ka Jerusalem, naba ka long ka nongbah jong U Syiem uba khraw.

MARKOS 14:8

Ka la leh ïa kaei kaba ka la lah ban leh; ka la theh ïa ka jingsleh iwbih halor ka met jong nga ban pynkhreh lypa shuwa ka por jong ka jingtep ïa ka met jong nga.

LOUKAS 12:46

nangta u kynrad un wan phai pat ha kawei ka sngi haba u shakri um shym khmih lynti ïa u bad ha ka por kaba um tip. U kynrad un ot lyngkhot lyngkhai ïa u bad un pynlong ïa u ban ïoh bynta ïa ka kupar jong ki bymkohnguh.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

DEUTERONOMI 28:58

“Lada phim kohnguh ïa ki jinghikai U Blei ïa kiba la thoh ha kane ka kitab, bad lada phim ñiewburom ïa ka kyrteng kaba phylla bad kaba khraw jong U Trai U Blei jong phi,

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

HEBRU 12:29

namar ba U Blei jong ngi u long shisha ka ding kaba bam duh.

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”