MALAKHI 1:13 - Khasi CL Bible (BSI)

¹³ Phi ong, ‘Katno ngi la ngiah ïa kane baroh!’ bad phi pyn-i ïa ka khmut jong phi sha nga. Kum ka jingainguh jong phi sha nga phi wanrah ïa u jingri ba la shu tuh ne uta uba dkoh ne uba pang. Hato phi pyrkhat ba ngan pdiang ïa kata na phi?

KA BAIBL

¹³ Phi ong ruh, ‘Ha khmih, katno kaba shitom ka long!’ Bad phi iwbeiñ ïa ka,” ong U Trai ki paid; “bad phi la wallam ïa kata kaba la shim da ka bor, bad ïa u ba-dkoh, bad ïa u bapang; kumne keiñ, phi wallam ïa ka jingainguh: nga dei ban pdiang sngewbha ïa kane na ka kti jong phi?” ong U Trai.

MALAKHI 1:13 ပူးပေါင်းရင်းမြစ်များ

2 SAMUEL 24:24

Hynrei u syiem u jubab, “Em, ngan da siewdor ïa ka. Ngan ym ai ha U Trai U Blei jong nga ïa ki jingkñia kiba nga khlem da siewdor ei ei.” Bad u la thied ïa ka jaka shoh kew bad ïa ki masi dab ha ka dor sanphew tylli ki sbai rupa.

ISAÏAH 1:12

Mano ba la ong ïa pha ban wallam ha nga ïa kane baroh haba pha wan mane ïa nga? Mano ba la ong ïa pha ban leh ïa kane ka jingïaid kyrdem sawdong ha ka templ jong nga?

ISAÏAH 57:6

Phi shim ïa ki maw kiba jlih nangta bad mane ïa ki kum ki blei. Phi theh ïa ka waiñ kum ka jingainguh ïa ki bad wallam sha ki ïa ki jingainguh kew. Phi tharai ba ngan sngewbha da kine kiei kiei?

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ESEKIEL 4:14

Hynrei nga la jubab, “Em, ko Trai Nongsynshar! Ngam pat ju pyntngit ïa lade. Naduh dang khynnah ngam pat ju bam ïa ka doh jong uno uno u mrad uba ïap hi ne uba shah pynïap ha ki mradkhlaw. Ngam pat ju bam ïa kano kano ka jingbam ba la kheiñ ka bymkhuid.”

ESEKIEL 44:31

Ki lyngdoh kim dei ban bam ïa kano kano ka sim ne mrad kaba la ïap hi lane kaba la shah pynïap ha uwei pat u mrad.”

HOSIA 13:9

“Ngan pynjot ïa phi, ko ki paid Israel! Te uei uba lah ban ïarap ïa phi?

LEBITIKOS 22:8

Um bit ban bam ïa ka doh jong uno uno u mrad uba shu ïap hi, lane uba la shah pynïap ha ki mradkhlaw; kata kan pynlong ïa u, u bymkhuid. Nga long U Trai.

LEBITIKOS 6:4

Haba u briew u leh pop ha kano kano na kine, u dei ban siew pat ïa kata baroh kaba u la ïoh da ki lad bymdei. Ha kata ka sngi ba la lap ba u la leh pop, u dei ban pynphai pura sha u trai, lem bad arphew bynta na ka shispah.

AMOS 8:5

Phi ong ha lade, “Ngim lah ap slem ïa ki sngi bakhuid ba kin kut noh khnang ba ngi lah ban die ïa u kew jong ngi. Lano ka sngi Sabbaton kan kut, khnang ba ngin ïoh sdang ban die biang? Nangta ngi lah ban oh dor rem, pyndonkam da ki jingthew bymhok, bad pynbakla ïa ki tarajur ban thok ïa ki nongthied jong ngi.

MIKAH 6:3

U Trai u ong, “Ko ki briew jong nga, nga la leh aïu ïa phi? Kumno nga la long ka jingkit ïa phi? To jubab ïa nga.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MALAKHI 2:12

To ai ba U Trai un weng noh na ka jaitbynriew Israel ïa kito kiba la leh ïa kane, bad ban ym shah ïa ki lano lano ruh ban ïashim bynta ha ki jingainguh kiba ka hima jong ngi ka wallam sha U Trai Badonbor Baroh.

MALAKHI 2:13

Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

DEUTERONOMI 15:21

Hynrei lada don ei ei kaba duna ha kita ki jingri, lada ki dkoh lane ki matlah, lane lada palat eh kano kano ka jingduna, phim dei ban kñia ïa ki ha U Trai U Blei jong phi.

1 SAMUEL 2:29

Balei mynta pat, me da kwah rhah sa ïa ki jingkñia bad ki jingainguh ba nga dawa na la ki briew? Balei Eli ba me kham ai burom ïa la ki khun shynrang ban ïa nga da kaba me shah ba kin pynsngaid ïa lade da ki bynta kiba bha tam na ki jingkñia ba ki briew ki ai ha nga?