MALAKHI 1:11 - Khasi CL Bible (BSI)

¹¹ Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

KA BAIBL

¹¹ Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

MALAKHI 1:11 ပူးပေါင်းရင်းမြစ်များ

1 KHRONIKL 16:25

U Trai u long uba khraw bad uba eh dei ban ïaroh; ïa u dei ban ai ka burom palat ban ïa kiwei ki blei baroh.

SALM 111:9

U pyllaitluid ïa la ki briew, bad u pynlong ka jutang bymjukut bad ki. Uba khuid bad uba khrawbor u long ma u!

SALM 113:3

Naduh mihngi shaduh sepngi A to ïaroh ïa ka kyrteng jong U Trai!

SALM 138:5

Kin rwai ruh shaphang kaei kaba me la leh bad shaphang ka burom bakhraw jong me.

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

SALM 45:17

Ka jingrwai jong nga kan pynlong ïa ka nam jong me ban neh junom, bad baroh kin ïaroh ïa me ha ki por baroh ki ban wan.

SALM 48:10

Ïa me la ïaroh da ki briew ha kylleng sawdong, bad ka nam jong me ka pyiar ha ka pyrthei baroh. Me synshar da ka hok;

SALM 48:11

ai ba ki briew ka Seïon kin kmen! Me ai ki jingbishar ki bym bakla; ai ban don ka jingkmen ha ki nongbah ka Judah!

SALM 50:1

U Blei Badonbor Baroh, U Trai, u kren; u khot ïa ka pyrthei baroh kawei naduh mihngi shaduh sepngi,

SALM 65:9

Me pyn-i ïa ka jingsumar jong me ïa ka ri da kaba phah ïa u slap; me pynseisoh kyrhai ïa ka; me pyndap ïa ki wahduid da ka um; me pynbiang ïa ka khyndew da ki mar rep. Kane ka long kumno me leh ïa ka:

SALM 67:2

ba kumta ka pyrthei baroh kawei kan tip ïa ka mon jong me; ba kumta ki jaitbynriew baroh kin tip ïa ka jingpynim jong me.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

SALM 96:8

To ïaroh ïa ka kyrteng badonburom jong U Trai; to wanrah ïa ka jingainguh bad wan sha ka Templ jong u.

ISAÏAH 12:4

Ka sngi ka wan ha kaba ki briew kin rwai, “To ainguh ïa U Trai! To khot kyrpad ïa u ban ïarap ïa phi! Ïathuh ha ki jaitbynriew baroh ïa kaei kaba u la leh! Ïathuh ïa ki haduh katno u long uba khraw!

ISAÏAH 12:5

To rwai ha U Trai namar kiei kiei kiba khraw kiba u la leh. Ai ba ka pyrthei baroh kawei kan ïohsngew ïa ka khubor.

ISAÏAH 19:21

U Trai un pynpaw ïa lade ha ki nong Ijipt, bad nangta kin tip bad kin mane ïa u, bad kin wallam ha u ïa ki jingkñia bad ki jingainguh. Kin pynlong ki jingkular kyntang ha u bad kin pyndep ïa kaei kaba ki kular.

ISAÏAH 30:27

Ïa ka bor bad ka burom U Trai yn ïohi naduh na sha jngai. Ka ding bad ka tdem ki pyn-i ïa ka jingbitar jong u. U kren, bad ki ktien jong u ki meh kum ka ding.

ISAÏAH 45:6

Nga leh ïa kane khnang ba baroh na kawei ka tduh jong ka pyrthei shaduh kawei pat ka tduh kan tip ba nga long U Trai bad ym don uwei pat U Blei.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 10:6

A Trai, ym don uno uno uba kum ma me; me long uba khrawbor, bad ka kyrteng jong me ka long kaba khraw bad kaba donbor.

JEREMAÏAH 10:7

Uei u ban ym pyndonburom ïa me, u syiem jong ki jaitbynriew baroh? Me dei hok ban ïoh ka pyndonburom. Ym don mano mano uba kum ma me hapdeng ki riewstad baroh jong ki jaitbynriew lane napdeng uno uno u syiem jong ki.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

DANIEL 2:45

Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

AMOS 9:12

Bad kumta ki briew ka Israel kin ïohknieh ïa kaei kaba dang sah jong ka ri Edom bad ïa ki jaitbynriew baroh kiba shisien ki long ki jong nga,” ong U Trai, u ban pynlong ïa kane ban jia.

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

SEPHANAÏAH 3:9

“Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

SEKHARAÏAH 8:7

Ngan pyllait im ïa ki briew jong nga na ki ri sha kiba la shim noh ïa ki,

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

MALAKHI 3:3

Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MATHAÏOS 8:11

Nga pynthikna ïa phi ba shibun kin ïawan na mihngi bad na sepngi bad kin ïashong lem bad u Abraham, u Isaak bad u Jakob ha ka jingkhawai hapoh ka Hima ki bneng.

LOUKAS 1:10

katba u paidbah habar u la duwai ha ka kynta ha kaba la thang ïa ka jingiwbih.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

2 THESSALONI 1:12

Ha kane ka rukom ka kyrteng jong U Jisu uba U Trai jong ngi kan ïohpdiang ïa ka burom na phi, bad ma phi na u, da ka jingaiei jong U Blei jong ngi bad jong U Jisu Khrist uba U Trai.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.