LOUKAS 9:60 - Khasi CL Bible (BSI)

⁶⁰ U Jisu u la jubab, “Ai ba kiba ïap kin tep ïa kiba ïap jong ki. Khie leit ma me bad pynbna ïa ka Hima U Blei.”

KA BAIBL

⁶⁰ Hynrei, U Jisu u la ong ha u, “Ieh ïa ki baïap ban tep ïa ki baïap jong ki; hynrei, khie leit noh ma me, bad ïalap ïa ka hima U Blei.”

LOUKAS 9:60 ပူးပေါင်းရင်းမြစ်များ

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 8:22

“Bud ïa nga,” U Jisu u la jubab, “bad ai kiba ïap kin tep ïa kiba ïap jong ki.”

LOUKAS 15:24

Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

1 KORINTH 9:16

Ngam don hok ban kob tang namar ba nga ïalap ïa ka Gospel. La katta ruh, nga don hapoh ki hukum ban leh kumta. Bad katno kan long kaba shyrkhei ïa nga lada ngam shym la ïalap ïa ka gospel!

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

1 TIMOTHI 5:6

Hynrei ka riewkynthei kaba im ha ki jingsngewbha ka la lah ïap lypa, wat haba ka dang im.

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!