LOUKAS 9:51 - Khasi CL Bible (BSI)

⁵¹ Katba ka por ka nang jan haba ïa U Jisu yn shim noh sha bneng, u la pynbeit ïa ka jingmut bad u la leit ha la ka lynti sha Jerusalem.

KA BAIBL

⁵¹ Ka la jia ruh, mynba la jan poi ki sngi ban pdiang noh ïa u sha jrong, ba u te u la thew skhem la ka khmat ïa ka ban leit sha Jerusalem,

LOUKAS 9:51 ပူးပေါင်းရင်းမြစ်များ

2 SYIEM 2:11

Ki ïai ïakren katba ki dang ïaid; nangta kynsan kynsan ka kali ïapom da ka ding ba la ring da ki kulai ding ka la wan hapdeng jong ki, bad ïa u Elijah la shim noh sha bneng da ka 'erlangthari.

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

LOUKAS 12:50

Nga don ka jingpynbaptis ban ïohpdiang, bad katno nga sngewkhia mynsiem tad haduh ba kan da kut noh!

LOUKAS 13:22

U Jisu u la leit lyngba ki nongbah bad ki nongrit, u da hikai ïa ki briew bad u da thew ïa la ka lynti sha Jerusalem.

LOUKAS 17:11

Katba U Jisu u don ha la ka lynti sha Jerusalem, u la leit na ka pud hapdeng ka Samaria bad ka Galilaïa.

LOUKAS 18:31

U Jisu u la ïalam sharud ïa ki khat-ar ngut ki synran bad u la ong ha ki, “Ha sngap! Ngi ïaleit sha Jerusalem ha kaba ïa kaei kaei baroh kaba ki nongïathuhlypa ki la thoh shaphang U Khun U Briew kan urlong shisha.

LOUKAS 19:11

Katba ki briew ki dang shahshkor ïa kane, U Jisu u la bteng bad u la ïathuh ïa ka pharshi ha ki. U la jan poi artat ha Jerusalem, bad ki la tharai ba ka Hima U Blei ka la jan paw.

LOUKAS 19:28

U Jisu u la kren ïa kane bad nangta u la nang leit sha Jerusalem ha shuwa jong ki.

LOUKAS 24:51

Katba u dang kyrkhu ïa ki, u la leit noh na ki bad la shim noh ïa u sha bneng.

LOUKAS 9:57

Katba ki dang leit ha la ka lynti, uwei u briew u la ong ha U Jisu, “Ngan bud ïa me kat shaba me leit.”

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 16:5

Hynrei mynta ngan leit noh sha uta uba la phah ïa nga, pynban ym don uwei ruh na phi uba kylli ïa nga shaei ba ngan leit.

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 6:62

Shu tharai, te, ba phi dei ban ïohi ïa U Khun U briew ba u leit kiew pat sha ka jaka ha kaba u la don mynshuwa.

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 1:9

Hadien ka jingong ïa kane, la shim noh ïa u sha bneng katba ki dang khmih ïa u, bad u lyoh u la buhrieh ïa u na ka jingïohi jong ki.

EPHESOS 1:20

Kane ka bor kaba trei ha ngi ka long kajuh kum ka jingkhlaiñbor ba u pyndonkam haba u la pynmihpat ïa U Khrist na kiba ïap, bad u la pynshong ïa u sha ka kti kamon jong u ha ka pyrthei ba kynja bneng.

PHILIPPI 3:14

Kumta nga mareh beit sha pyrshah ka thong khnang ban ïoh ïa ka prais, kaba long ka jingkhot U Blei da U Khrist Jisu sha ka jingim kaba shaneng.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.