LOUKAS 9:5 - Khasi CL Bible (BSI)

⁵ hangno hangno ha kaba ki briew kim pdiang sngewbha ïa phi, to iehnoh ïa kata ka shnong bad kynther noh ïa u pui pui na ki kjat jong phi kum ka jingmaham ïa ki.”

KA BAIBL

⁵ te kino kino ruh ki ban ym pdiang ïa phi, haba phi mih noh na kata ka shnong, to kynther noh ïa ka 'dewmet na ki kjat jong phi, ïa ka ban long ka sakhi pyrshah ïa ki.”

LOUKAS 9:5 ပူးပေါင်းရင်းမြစ်များ

NEHEMAÏAH 5:13

Nangta nga shim ïa ka jaiñ ba nga teh sawdong ïa ka syngkai jong nga bad kynther ïa ka. “Kumne U Blei un kynther ïano ïano na phi u bym bat ïa la ka kular,” nga ong. “U Blei un shim noh ïa ki ïing jong phi bad ïa kiei kiei baroh ba phi don, bad un iehnoh ïa phi khlem don ei ei shuh.” Baroh kiba don hangta ki ong, “Amen!” bad ki ïaroh ïa U Trai. Bad ki nongïalam ki bat ïa ka kular jong ki.

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

MARKOS 6:11

Lada phi wan poi ha ka shnong kaba ki briew kim khot sngewbha ïa phi lane kim sngap ïa phi, mihnoh na ka bad kynther noh ïa u pui pui na ki kjat jong phi. Kata kan long ka jingmaham ïa ki!”

MARKOS 9:37

“Uno uno uba pdiang sngewbha ha ka kyrteng jong nga ïa uwei na kine ki khynnah rit, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ym tang ïa nga hynrei ïa uta ruh uba la phah ïa nga.”

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 5:14

U Jisu u la hukum ïa u, “Wat ïathuh hano hano, hynrei khie leit beit sha u lyngdoh bad ai un peit bniah ïa me; nangta un pynshisha ha uwei uwei baroh ba me la koit. To ai ïa ka jingkñia kumba U Moses u la hukum.”

LOUKAS 9:4

Hangno hangno ha kaba la pdiang sngewbha ïa phi, to sah ha kajuh ka ïing tad haduh ba phin da mihnoh na kata ka shnong;

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

KI KAM 13:51

Ki apostol ki la kynther noh ïa u pui pui na ki kjat jong ki ha ka jingpyrshah ïa ki bad ki la leit noh sha Ikoniom.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”