LOUKAS 9:2 - Khasi CL Bible (BSI)

² Nangta u la phah ïa ki ban ïalap ïa ka Hima U Blei bad ban pynkhiah ïa kiba pang,

KA BAIBL

² Bad u la phah ïa ki ban ïalap ïa ka hima U Blei, bad ban pynkhiah ïa ki bapang.

LOUKAS 9:2 ပူးပေါင်းရင်းမြစ်များ

MATHAÏOS 10:5

Ïa kine ki khat-ar ngut ki rangbah, U Jisu u la phah noh lem bad kine ki jingbthah harum: “Wat leit sha kano kano ka thain jong ki Jentil lane sha kano kano ka shnong ki nong Samaria.

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 24:14

Bad ïa kane ka Khubor Babha shaphang ka Hima yn ïalap ha kylleng ka pyrthei na ka bynta ka jingsakhi sha ki jaitbynriew baroh; bad nangta kaba kut kan wan.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

MARKOS 6:12

Kumta ki la leit bad ïalap ba ki briew kin phai noh na ki pop jong ki.

LOUKAS 10:1

Hadien kane U Jisu u la jied sa hynñiewphew ar ngut ki rangbah bad u la phah ïa ki ar ar ngut, ban leit ha shuwa jong u sha ki shnong baroh bad ki jaka ha kaba ma u, u la mut ban leit.

LOUKAS 10:11

‘Wat ïa u pui pui na ka shnong jong phi uba dambit ha ki kjat jong ngi, ngi ñiad noh pyrshah ïa phi. Hynrei kynmaw ba ka Hima U Blei ka la wan hajan jong phi!’

LOUKAS 10:9

pynkhiah ïa kiba pang ha kata ka shnong, bad ong ha ki briew hangta, ‘Ka Hima U Blei ka la wan hajan jong phi.’

LOUKAS 16:16

“Ka Hukum u Moses bad ki jingthoh jong ki nongïathuhlypa ki treikam haduh ka por jong u Ïoannis u Nongpynbaptis; naduh kata ïa ka Khubor Babha shaphang ka Hima U Blei la ïai ïathuh, bad uwei pa uwei u bsut jubor shapoh.

LOUKAS 9:11

Haba ki paidbah ki la ïohsngew shaphang kata, ki la bud ïa u. U la pdiang sngewbha ïa ki, u la kren ha ki shaphang ka Hima U Blei, bad u la pynkhiah ïa kito kiba donkam ïa ka.