LOUKAS 9:19 - Khasi CL Bible (BSI)

¹⁹ “Katto katne ngut ki ong ba me dei u Ïoannis u Nongpynbaptis,” ki la jubab. “Kiwei pat ki ong ba me dei u Elijah, katba kiwei pat ki ong ba me dei uwei na ki nongïathuhlypa na mynbarim uba la mihpat.”

KA BAIBL

¹⁹ Ki da ïathuh te ki la ong, “ ‘U Ïoannis u Nongpynbaptis’; hynrei kiwei pat, ‘u Elias’; bad kiwei pat, ba u nongïathuhlypa uba na ki barim u la mihpat.”

LOUKAS 9:19 ပူးပေါင်းရင်းမြစ်များ

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 14:2

“U dei shisha u Ïoannis u Nongpynbaptis, uba la im pat,” u la ïathuh ha ki rangbah synshar jong u. “Dei kata keiñ balei ba une u la don ïa kane ka bor ban leh ki kambah.”

MATHAÏOS 3:1

Ha kata ka por u Ïoannis Nongpynbaptis u la wan sha ka ri shyiap jong ka Judia bad u la sdang ban ïalap.

MARKOS 6:14

Mynta u syiem Herod u la ïohsngew shaphang kane baroh, namar ka nam U Jisu ka la phriang kylleng. Katto katne ngut ki briew ki ïa-ong, “U Ïoannis u Nongpynbaptis u la im pat! Dei na kata ka daw balei u don ïa kane ka bor ban leh ki kambah.”

MARKOS 6:15

Kiwei pat, ki la ong, “U dei u Elijah.” Kiwei ki ong, “U dei u Nong ïathuhlypa, kum uwei na ki Nongïathuhlypa jong ki por ba-mynshuwa.”

LOUKAS 9:18

Ha kawei ka sngi mynba U Jisu u dang duwai marwei, ki synran ki la wan ha u. “Ki paidbah ki ong ba nga long uei?” U la kylli ïa ki.

LOUKAS 9:20

“Kumno pat ma phi?” u la kylli ïa ki. “Phi ong ba nga long uei?” U Petros u la jubab, “Me long U Messaïah jong U Blei.”

ÏOANNIS 1:21

“Te, me dei uei?” ki la kylli, “Hato me dei u Elijah?” “Em, ngam dei,” u Ïoannis u la jubab. “Hato me dei u nongïathuhlypa?” ki la kylli. “Em,” u la jubab.

ÏOANNIS 7:40

Katto katne ngut na ki briew ha uta u paidbah ki la ïohsngew ïa u ba u ong ïa kane bad ki la ong, “Une u briew u dei da shisha u nongïathuhlypa.”

ÏOANNIS 9:17

Kumta ki Pharisi ki la kylli ïa uta u briew sa shisien, “Me ong u la pynkoit ïa me na ka jingmatlah jong me — haba kumta, me ong aïu shaphang jong u?” “U dei u nongïathuhlypa,” uta u briew u la jubab.